Un bon siman pa tur nos lektornan...

Un wikènt karga ku evento kaminda e públiko a duna masha bon reakshon mes...

‘Mondi Mágiko’ na Landhuis Bloemhof a resultá chikí pa e kantidat di hende ku a bishita e evento aki ku ta un show di lus masha bunita mes...

Durante di tur e dianan ku ta sigui aki bo por sigui bishita ‘Mondi Mágiko’...

E grupo di tiner ‘I Love to Hip Hop and R&B’ tabatin tremendo elekshon djasabra último den Because Garden..

E grupo ta sigui krese i nos ta mira ku nan ta un kandidato fuerte pa próksimamente bai partisipá tambe den Gran Marcha di Karnaval di Korsou...

Papiando di Karnaval, mi ta haña hopi great e inisiativa di Coridja Stars Productions pa lansa un serie di programa riba nos historia di Karnaval...

Nan tei produsí un kantidat di programa ku finalmente lo mester bira un dokumental riba Karnaval i Festival di Tumba den Era moderno...

Otro grupo di Tiner a presentá nan trahe ayera nochi...

Ta trata di Le Plaisir D’Life, nan ta bai Parada di Tiner ku ‘Jokernan Moderno’ i lo keda kompaña pa Gio huntu ku un kantidat di artistanan invitá...

‘Suprise Party’ pa Loloi tambe a atraé un bon públiko pa nan dos presentashonnan di wikènt...

Awor ta fin di luna tin 2 fecha mas, despues ta otro aña ...

Grupo Viva tambe a presentá nan trahe djasabra anochi i a logra atraé un grupo grandi di miembronan i públiko ku a bai e presentashon pa wak kiko nan tin pa ofresé...

Un bon shou hinka den otro ta loke ku nan a presentá ...

E trahe tambe ta bunita i bo ta mira e dedikashon ku e grupo ta traha riba dje...

Ma komprondé ku Guito durante di su diskurso a pidi pa stòp ku e reakshonnan negativo ku tin riba gruponan ku presentá nan trahe di karnaval...

Riba esaki mi ta dun’e tur rason ku tin, gruponan ta traha duru pa presentá un trahe i no tin motibu ku miembronan mester ataka otro of duna komentario negativo riba otro grupo...

Un kos ta sigur, despues dje presentashon di Grupo Viva, ma yega na e konklushon ku nos Gran Marcha di 2020, e selebrashon di 50 aniversario di Karnaval era moderno, ku esaki lo ta un masha bunita mes...

E gruponan a traha dediká pa brinda pueblo un bunita Karnaval...

Ainda falta algun grupo mas pa hasi presentashon di nan trahe...

‘E he he’ ta un di nan. Nan presentashon di trahe lo ta djadumingu awor, 17 di novèmber den Club Mangoes, kaminda ántes e sede di MFK tabata den Lindberghweg...

Nos tei move, djárason nos tin otro edishon di ‘Louie Louie’...