Un felis djabièrnè pa nos lektornan...

Ayera nochi trempan mi a tende diferente vershon di kon dushi henter e ambiente di fiesta di kòmbèk ta...

Djis promé ku e rueda di prensa di Juni Juliet a kuminsá nos tabata sinta ta kombersá i Juni huntu ku e músikonan a konta algu dje ambiente di fiesta di kòmbèk...

Un kos ta sigur e hendenan ta disfrutá i loke mi tambe a mira último durante dje selebrashon di Melania su 40 aniversario ta e dushi ambiente ku tin na fiesta...

Tin bromamentu, tin kuementu di kick, tin bistimentu nèchi, tin un dushi ‘vibe’ sigur...

GIO ta den studio di grabashon trahando riba nan siguiente produkshon musikal...

Ma komprondé ku Chemz t’esun ku ta den fase final pa terminá un piesa ku e ta figurá komo kantante...

Gentz a traha un tremendo potpuri di e agrupashon musikal ‘MIDI’...

Great pa tuma nota ku nan konsepto pa duna elogio nan bandanan ku den pasado a marka pouta ta risibí bon reakshon di públiko...

Aktividatnan kuminsando for di fin di luna di novèmber i sigui den desèmber ta asina tantu ku riba sierto fechanan tin te asta tres evento riba mesun dia...

Promotornan mester tin dede krusá i spera ku nan evento ta kana bon...

Interesante ta pa sa kon públiko tei respondé na tur e eventonan aki...

Nos hendenan i sigur esnan ku ta bini for di Ulanda den fin di aña ta kue kaya tene ku dos man i ta move masha hopi mes den e dianan di fiesta...

Pero mirando e situashon sosio ekonómiko mi no ta sigur ku e asistensia na eventonan lo ta meskos e aña aki...

Mañan Sanikolas ta yega...

E organisashon tin un bon programa hinka den otro i ta kestion pa abo skohe na unda bo tei hiba e muchanan pa wak Sanikolas...

E tradishon di yena Brionplein sigur ta keda pasó henter e ambiente ei bou kaminda e muchanan sigur ta disfrutá dje show ku ta keda presentá...

AMAK tei aserka Minister di Hustisia pa duna nan konseho pa loke ta trata presentashon di artistanan internashonal durante luna di desèmber i temporada di Karnaval...

Ami ta mira ku no fásilmente lo por sera e temporada, dispensashon tei kai...

E úniko kos ku nan mester tene kuenta kuné ta e echo ku ora bo pidi pa no laga un ‘rapper’ presentá durante di Gran Marcha, bo mester ta hustu ku bo mes den e kaso aki, paso den añanan anterior bo a permití tur kos!...

Ta interesante pa sa si Buleria lo bai presentá durante di Marcha di Despedida, pasó pa 2020 Aruba a bin bèk ku nan Marcha di Despedida i e banda tin kontrakt ku un dje gruponan grandi di Karnaval di Aruba...

Mi tei disfrutá di mi wikènt, abo tambe hasié, pero kòrda gosa na midi...

Felis wikènt !...