Un bon siman pa tur nos lektornan...

Kon a bai ke wikènt?...

Yegada di Sanikolas a atraé un kantidat di públiko djasabra mainta den Otrobanda i tambe na tur e otro sitionan ku Sanikolas a bishita...

E muchanan sigur a disfrutá di henter dje ambiente relashoná ku e yegada di Sanikolas...

Otro dje eventonan ku tambe a sòru pa bon moveshon den kaya ta e proyekto ‘Biba Willemstad’...

E evento meresé mas sosten sigur i mester sigui promové esaki i sòru pa barkunan krusero ku tei di bishita pa nan por keda mas lat pa dje forma ei e turistanan por disfrutá mas dje ambiente den kayanan di Punda...

Ephrem J a bolbe skor. E biaha aki na Ecuador...

Despues di Argentina, awor ta Ecuador ...

Great ora bo ta tuma nota ku Ephrem J ta sigui mira su soño bira realidat...

Ayera tabatin presentashon di trahe di dos grupo di Karnaval ...

E promé tabata ‘The Jumping Jewels’ ku a presentá ‘Ahedres na Plaka Chikí’...

Despues ‘E He He’ a presentá ‘The Black and White Masquerade Ball’...

Pa 2020 ‘E He He’ ta bai Gran Marcha ku The Crazy Happy Peanuts...

Miembronan dje grupo a keda enkantá ku e presentashon dje trahe...

Nos a drenta e siman di Selebrashon di Dia di Músiko ...

Djaweps awor lo hasi entrega tambe di e prestigioso ‘Premio Edgar Supriano’ ...

Durante dje selebrashon lo hasi entrega tambe di ‘Pen di Mérito’ na algun baluarte...

Djasabra benidero lo tin e promé Gimmick pa Festival di Tumba...

Ta mané mi sa bisa, promé bo haña chèns di bisa ‘Djaka rabu stòmpi’, ya aña a bòltu i tin inskripshon pa Tumba 2020...

Riba e último djasabra di 2019 lo tin presentashon di Glennis Grace na Kòrsou...

Glennis aña pasa a hala atenshon ku su partisipashon na ‘America’s Got Talent’ i a logra yega final...

Glennis ta bin di famia yu di Kòrsou i den fin di 2018 tabatin tambe un tributo na Whitney Houston...

Lo e ta un show ku ta bale la pena pa bai wak...

Mañan anochi riba Freewinds lo tin e konsierto benéfiko di Melania pa loke ta trata su selebrashon di 40 aniversario den farándula...

Hasi lihé kumpra bo karchi, paso parse ku nan ta kabando...

Ganashi ta bai pa un instansia karikativo...

Mañan tin e di dos edishon di ‘Louie Louie’ rumbo pa Festival di Tumba 2020...

Siman pasa nos a saka e promé edishon. E rubriká ta dediká spesialmente na Festival di Tumba i te intenshon pa e sigui sali te na Inskripshon di Festival di Tumba...

Bon shonnan tabata un plaser, otro edishon di ‘Louie Louie’ ta tras di lomba...

Un siman nobo, ban uni pa nos traha pa e adelanto di Kòrsou, nos Pais!...

Bon siman!...