Un felis djárason, nos tei ku otro edishon di ‘Louie Louie’...

Un pronto rekuperashon pa Melania van der Veen ku a bira malu ayera durante di e konsierto riba Freewinds...

Mesora Melania a risibí atenshon médiko abordo di Freewinds ...

By the way e konsierto a logra atraé un sala yen di públiko ku a koperá pa rekoudá fondo pa Grupo Orashon i Mishon San Pio...

E wikènt ku ta na kaminda ta karga ku eventonan ku sigur tei kapta atenshon di públiko...

Un di nan sigur ta ‘Un Canto di Splendore’ di Kadir Snijder...

Kadir ta un tremendo intérprete ku a bin ta spesialisá su mes riba e kanto estilo Opera...

Ounke Kadir por i ta kanta diferente género, pero e ta konosí mas pa e kanto di kansionnan di Opera...

Otro dje eventonan ku tradishonalmente ta hala un públiko grandi ta e konsierto organisá pa El Tributo ‘Remembrance Concert’ ku e aña aki lo keda presentá komo ‘Thxgiving Concert 2019’ i lo tuma lugá djadumingu awó na Bottelier...

For di 10 or di mainta pa 12 or di mèrdia lo bo por disfrutá di e presentashon di Randal Corsen & Orchestra ku e biaha un konstelashon apart...

E premiashon di ‘Premio Edgar Supriano’ a bira konosí ayera...

AMAK pa evitá tur tipo di diskushon a pone bon kla den e komunikado ku nan premiashon NO ta a base di un kompetensia...

Premio Edgar Supriano ta un premio pa stimulá músikonan  ku durante aña   a sobresalí...

E NO ta un kompetensia...

E premio mester keda  otorgá  primeramente na músikonan o personanan ku ta ehersé un labor ku ta  ligá na un instrumento musikal

Pabien na Angelo Libinia i Djuric Virginie ku durante di 2019 a resaltá ku nan kanto...

Pabien na tur otro artista, músiko i banda ku a kai den e premiashon...

JL Jewelers t’esun enkargá pa produsí e pen di mérito pa AMAK, esaki despues ku otro empresa no por a kumpli ku e petishon di AMAK...

Esei ta motibu ku a kambia e fecha di selebrashon...

Kontrali na otro okashon a anunsiá ken ta ganadó di e premio Tumba Popular...

Pabien na Axel Pikero i Ray Lauffer pa e premio...

Ata Elton John tin miedu di muri sin mira su yunan krese...

Elton sa nèk, awor praktikamente den penshun el a disidí di adoptá 2 yu...

E desishon di adopshon ta muchu lat...

Den lat ayera nochi nos a tuma nota dje invitashon di Fundashon JAG pa e inskripshon ofisial di partisipantenan na e diferente elekshonnan pa embahadornan di Karnaval 2020, e di 50 edishon...

E evento ta tuma lugá djadumingu awor, 24 novèmber na Curaçao Festival Center...

Nos tei move, djabièrnè nos tei bèk ku mas di ‘Louie Louie’...