Wikènt a dal aden, un felis wikènt pa tur nos lektornan...

 E wikènt aki ta kargá ku aktividatnan...

 Pa mañan tin e tremendo fiesta di músika di añanan 80 titulá “Vip to the 80’s”...

 Rey John, ERA i Ephrem J ta mañan anochi tambe na PWFC...

 Djadumingu tin e festival ‘Un Kanto pa Kòrsou’ na Brakkeput Mei Mei...

 Djadumingu na Renaissance tin ‘The Model 2017’, evento organisá den kuadro di e sertámen di Miss Curaçao Teenager 2017...

 E desishon di Bryan Palm pa stòp ku su trabou diario na ENNIA i pa sigui ku su hòbi i pashon, esta komo produktor musikal i dj ta algu di aploudí...

 Despues di su ‘tour’ na Ulanda i Alemania porta nan a habri pe i awor komo dj Menasa ‘sky is the world’...

 Otro informashon ku ‘DEN E BEMBE’ a kompartí awe tambe ta esun di e kansion dediká na Tata ku e yu dje konosido i popular kantante Tico ‘Benoni’ Balentien, Javor a graba...

 Djaluna e produkshon ta kuminsá zona na radio pero for di ayera e ekspektativa pa esaki a kuminsá biba riba facebook...

 Ma premirá e lansamentu di Javor komo kantante for di temporada di Karnaval na momentu ku un video a keda di post riba facebook kaminda el a kanta huntu ku ERA...

 Ta great ku su mayornan ta dun’é e oportunidat pa for di yòn e desaroyá un di su talentonan...

 Ora bo tin un yu i bo tuma nota ku e mucha tin un talento, dun’é chèns pa e desaroyá esaki...

 Hopi ta hasié, pero tin e mayornan tambe ku ta haña ku loke e mucha ke hasi ta hopi molèster i dje forma ei ta bringa e desaroyo dje mucha...

 Kabaitu ta na kaminda i lo e ta un atrakshon sigur den e temporada di fakansi ku ta kuminsá den luna di yüli...

 Kòrda ku e aña aki fakansi di skol ta start mas lat i no manera kustumber ku banda di fin di luna di yüni muchanan ta bai ku fakansi...

 Ensayonan di e banda ‘ONE’ ku den front Dibo D, Cizzle i otronan ta kanando bon...

 E banda ta pendiente pa hasi su debut na Kòrsou i den mesun wikènt òf siman bula bai Aruba pa nan debut na Aruba ...

 Kuminsá ku un banda den e tempu aki no ta wega, bo konsepto mester ta bon deliniá i bo mester mantené bo mes na esaki pa bo ta un diferensia i òf alternativa pa e públiko...

 E situashon no ta fásil pa e bandanan ni pa farándula lokal...

 E músika urban i hip hop a kue merkado tene duru i bo ta mira ku mas i mas e fiestanan dje género ei ta hala mas i mas públiko...

 Awor ku esaki nos por start un diskushon riba e loke ku ta keda produsí pa bandanan lokal si e ta na nivel pa kompetí...

 Un kos ta sigur, ora e músikonan dediká nan mes na produsí riba nivel bo ta ripara e moveshon di públiko mesora...

 Nan ta bòltu gewon bai laga bu....

 Un felis wikènt, te djaluna ku Dios ke !.