E último djabièrnè di 2019 a yega...

Un felis djabièrnè...

Fiestanan a bai bon...

Ma gosa e análisis ku a hasi riba benta di karchi di e fiesta di Brakkeput Mei Mei...

Hopi bon esaki a keda evaluá i ku puntonan di atenshon pa tene kuenta kuné, sigur pa e rebendedónan ku ta hasi negoshi ku kumpramentu di karchi delantá...

E aña aki organisadónan a hasi kambio ku e kumpradónan delantá no tabata na altura di dje i ora nan a mira ku karchinan no a ‘sold out’ ta otro alarma a bati...

Mi ta pendiente pa sa kon a bai ku e fiestanan di dia 26, pasó tin ku segun mi no a logra di kapta atenshon di baidónan di fiesta manera kustumber...

Shownan di vürwèrk a kuminsá esei tei pone ku e enfoke awor tei bira riba topa otro na show di pagara pa sinta dal drinks basilá i djei bai kas...

Skohementu pa bai fiesta tei bira e asuntu awor...

Otronan a hala faha mara i esaki bo tei mira den e dianan aki, nan lo move na midí...

Ma tuma nota ku Bob Harms tin orario awó na Power fm 101.7 na Aruba tambe...

Resientemente Bob a subi radio na Boneiru ku su programa i tambe bo por a skuch’é via di un radio di Internet na Kòrsou...

‘Skina di Son’ na Aruba tambe. Bon Bob!...

Ayera nochi nos a tuma nota dje fayesimentu di John James Willekes, esaki na momentu ku Gregory Colina a pone un mensahe riba facebook...

For di despues ku JJ a regresá Kòrsou el a start ku diferente proyekto i formashon musikal...

Te ku resientemente por a disfrutá di su músika durante di Punda Vibes riba djaweps anochi na Plaza Jojo Correa...

Awe nochi ta show di vürwèrk na Boogjes den Punda...

E show di vürwèrk di ayera nochi den Punda a logra atraé un bon kantidat di públiko den Punda...

Na Sambil tambe ta pendiente pa awe nochi 10 or tin show di vürwèrk...

Nan show tambe sa hala un públiko grandi...

Otro lugánan ta durante di selebrashonnan privá di kompania...

E kantante i kompositor rubiano Cesar Olarte a logra 1 mion di ‘views’ riba facebook ku interpretashon di un ‘cover’ di un kansion di Jose Jose...

No ta fásil pa bo logra algu asina i esaki sigur ta di aploudí...

E último ‘gimmick’ di karchi pa festival di tumba ta e wikènt aki, wak pa bo yega Sambil pa bo no lamentá despues...

Ban disfrutá e último dianan di 2019 na un manera trankil i moderá...

Sigur esnan ku ta riba kaya, mané grandinan sa bisa, ban ku prudensia...

Nos tei move! Djaluna nos tei bek ku e último ‘Louie Louie’ pa 2019...