Un felis dia pa tur nos lektornan...

Siman a habri ku un kaso di tiroteo ayera nochi lat...

Ta di lamentá ku reglamentu di kuenta ta na òrdu di dia riba e pais aki...

Hom te asta áwaseru ta manera wanta pa e no kai, ayera nochi mi ta wak e potrètnan i animashon riba e wèpsait di Meteo i bo ta ripará ku e mal tempu ku tabata na kaminda pa Kòrsou a manera wanta brek na Klein Kòrsou, promé ku el a sigui bin nos direkshon...

Fundashon JAG a entregá e 2 outonan ku nan tabatin komo premio prinsipal pa Reina di Karnaval 2020 i tambe Grupo di Aña 2020...

Segun nos esaki ta e último premionan ku mester a wòrdu entregá...

Karnaval 2021 ta kanselá, pero tin yen idea pa organisá evento pa rekoudá fondo pa gruponan i tambe AMAK ta pendiente pa bini ku un konsepto di un Festival di Tumba pa nan músikanan tambe por partisipá i risibí pago pa e evento aki...

Tur kos ta dependé kon situashon lo ta ora ku aña bòltu i kiko e maneho lo bira pa loke ta trata eventonan grandi...

Na Merka por ehèmpel e wikènt aki a permití públiko, 13 mil hende, presensiá un wega di NFL ku a tuma lugá na Florida...

Pero e ‘tailgating’ no a keda permití...

Entrega di EMMY Awards a tuma lugá di forma virtual...

Ban spera ku nos por bolbe ‘crush the curve’ pa dje forma ei medidanan ku a keda tuma por wòrdu suavisá...

Farándula ta wantá i ta produkshon di piesa nobo i grabashon di videoclip ta loke ta tene e artistanan bezig e dianan aki...

Si bo no logra pa bo tin fondo pa por produsí un produkshon musikal, bo ta para ketu i esei si ta di lamentá...

‘Stilstaan is achteruitgaan, voortgaan is leven’, un dicho na hulandes ku ta papia palabra kla...

Basta reklamo riba e dos entieronan ku a tuma lugá resientemente kaminda tabatin animashon musikal...

Ayera nos a tuma nota ku El Tributo a saka un komunikado kaminda nan ta indiká ku nan no tabata sa mes dje desishon pa pone animashon musikal...

Ma tuma nota ku e dokumental di Rudy Plaate ta bai kuminsá pasa na Hulanda, esaki sigur ta un bon desishon dje produktornan, pasó ta hopi ‘Antiano’ tin bibá na Hulanda ku sigur lo ke wak e dokumental ku te ainda na Kòrsou ta atraé públiko ...

Ma tuma nota ku ounke tin medidanan di prekoushon na skolnan, tin skol ku a tuma e desishon di laga e muchanan selebrá loke por ser yamá un Dia di Kultura den e siman aki...

Muchanan por bai skol ku trahenan di Seú i ambiente na e skol lo ta un kultural...

Pabien na Dibo, Randal i Jeon ku e kolaborashon pa por produsí un kansion nobo...

E título ‘Lanta Bek’, sin tende e kansion ainda ta indikativo ku e kansion lo ta un pa inspirá e pueblo pa lanta para riba pia pa nos sigui kana pa bai dilanti...

Bon siman!...