Un felis djabièrnè na tur nos lektornan...

E ambiente ayera durante di entrega di lista na Konseho Supremo Elektoral a tuma lugá, pero no ke ambiente kustumbrá...

E interes via di medionan di komunikashon si tabata bastante haltu i bo por a mira e reakshonnan riba retnan sosial...

AMAK ta kasi kla pa nan por presentá nan ‘Revival Festival di Tumba’...

E Karnaval Drive Thru a risibí un konseho negativo di parti di ‘stakeholders’ di Karnaval, pero ta Gobièrnu tin e último palabra riba esaki...

Ma komprondé ku ta e intenshon di buska un manera pa hasi e presentashon di un forma virtual...

Ensayonan pa e show di Revival ya a kuminsá, ayera Gedion Chandler a ensayá huntu ku su músikonan...

Pa mañan djasabra ta pendiente pa e ensayonan di e orkesta bou di direkshon di Gregory Colina kuminsá...

‘LOUIE LOUIE’ a komprondé ku músikonan via di AMAK ta pendiente pa otro siman pidi un reunion ku Minister Steven Martina pa atendé e situashon di presentashon di músikonan, banda i òf artistanan ...

E echo ku e kantidat di kasonan positivo a baha i músikonan ke presentá pa por yega na entrada...

Bon reakshon ayera nochi pa edishon di ‘Louie Louie Talks’ dje siman aki...

Sra. Corrine Djaoen Genaro tabata e invitado i e kombersashon tabata ameno i interesante...

Nos tin tur ingrediente pa Karnaval di Kòrsou sigui engrandesé i pèrkurá pa un ‘spin off’ ekonómiko tremendo pa Kòrsou...

E invershon den e produkto mester tuma lugá pa dje forma ei bo logra saka benefisio...

Entrante awe i te ku 19 di mart nos lo keda bombardiá ku aktividatnan di partidonan polítiko, pa medionan di komunikashon esaki ta un fuente di entrada ku tur tin mester di dje...

Lo ta interesante pa wak e strategia ku lo keda usa e biaha aki pa promové kada partido...

Músikonan a kuminsá saka benefisio kaba ku trahamentu di ‘jingle’, awor loke lo no bai tuma lugá ta e presentashon di bandanan riba e último anochi di kampaña...

Ken lo presentá un konsierto virtual pa atraé su votadónan? ...

Ban wak kon kreativo e partidonan lo ta pa atraé interes di e votadónan...

Pa bini bèk na e situashon den farándula i horeca aki na Kòrsou, nos a tuma nota mesora kon restorantnan a kuminsá hasi promoshon bèk pa klientenan por yega i sinta kome trankil parti paden...

E alivio aki tabata nesesario pa doñonan di restorant i sigur pa e trahadónan por garantisá nan trabou...

Henter e sektor mester kuminsá operá pa dje forma e trahadónan tambe por hiba un bida trankil, sin e stress di inseguridat laboral...

Nos tei move, otro edishon di ‘Louie Louie’ ta tras di lomba...

Disfrutá di bo wikènt na un forma responsabel...