Un bon siman pa tur nos lektornan...

Mi ta spera ku bo wikènt tabata un plasentero...

Siman a habri i ta momentu pa nos pone man na obra pa sigui traha riba adelanto di nos Pais...

Ambiente di elekshon tambe a dal aden...

Masha hopi hende konosí riba listanan, masha moveshon riba kaya i retnan sosial pa kombens’é e pueblo pa vota pa e partidonan ku ta bai e ‘pre elekshon’ di wikènt benidero...

Ban pa farándula, ensayo a start djasabra pa ‘Tumba Revival Festival’ i ayera mèrdia a surgi un situashon den Festival Center ku a pone miembronan di AMAK aribabou...

E asuntu di ku mester pasa 2 PCR tèst pa kontrolá riba COVID-19 a pone ku e músikonan a rabia i trese yen situashon ku a presentá durante di e último lunanan kaminda Gobièrnu no a aktua, segun nan pensamentu...

Mas lat, AMAK a saka un komunikado ku awe nan lo bai bèk mesa ku Gobièrnu pa wak kon lo yega na un solushon pa e evento por tuma lugá...

Un dje problemanan ta e kantidat di músikonan ku ta partisipando na e evento ku lo keda transmití riba djabièrnè, 5 di febrüari 2021...

Segun ma komprondé e lista di músiko ta surpasá 30 músiko...

Tin kestion di 4 timbalero, 4 kongero etsetera...

Den kombersashon ku Gregory Colina el a indiká ku nan a hasi e kantidat di músikonan mas tantu pa por logra ensayá tur e tumbanan i pa laga e músikonan ku tin algun luna kaba pará i ku a kompaña e Rei di Tumba, pa nan por aktua...

Esei te motibu ku ta bai tin kambio konstant di músikonan, sigur e parti di perkushon, bas, piano i keyboard...

‘Louie Louie’ a komprondé ku Dr. Izzy a bai pa splika e motibu dikon mester hasi 2 PCR tèst, pa nan por tin sigur ku lo no tin niun riesgo pa kontaminashon...

Nos ta kombensí ku un protocol ku reglanan stringente lo por evitá ku lo mester kanselá e evento...

Mester kumbiní ku Gobièrnu ku lo traha un protokòl pa e produkshon musikal aki i ku lo entrega esaki mas lihé posibel p’asina Gobièrnu duna su oké...

For di ora Dr. Izzy ke bin splika e motibu dikon mester tèst, ta paso e tambe lo ke pa e evento tuma lugá, pero bou di kondishon ku ta garantia ku lo no tin kontagio...

Mester kòrda ku ora e tim di krísis duna oké, ku tin mas kaiman na boka di riu pa wak ta bou di kua kondishon esaki ta tumando lugá...

Ban spera ku lo yega na un solushon pa esaki...

Tanten radionan i plantanan di televishon ta sigui toka Tumba pa tene e pueblo kontentu...

Pa awe ta te aki, djárason nos tei bèk ku Poder di Dios, keda kuida ...

Nos a demostrá na vários okashon ku nos por!...