Un bon siman na tur nos lektornan...

Ayera nochi, tur hende tabata sinta na televishon...

E pre elekshon, sosten na partidonan ku ke partisipá na elekshon riba 19 di mart 2021 tabata e sentro di atenshon pa e wikènt aki...

Sorpresa a kai pa algun partido ku segun mi no a spera ku pueblo no a duna nan e sosten ku nan a spera...

Ban bèk pa Farándula...

Pabien na Radio Mas ku tremendo ambiente di Festival di Tumba ku nan tabatin siman pasá...

Tremendo ambiente, sintonia total riba e anochi pa no solamente disfrutá di e tumbanan ku a keda presentá, pero tambe e komentarionan di Gibi i Juni Alves...

Ayera tardi tambe nos a disfrutá di Glenn Thomas su ‘Rumba pa Tumba’ riba djadumingu atardi...

Nos ta pendiente pa e siman aki Chris Strick pone un produkshon nobo riba merkado den kolaborashon ku Avali di Aruba...

Ephrem J tambe ta pendiente pa djabièrnè awor e lansa otro produkshon musikal...

‘Esa Mujer’ ta título dje kansion ku Ephrem J ta bai lansa...

Papiando di Ephrem J, ayera den e programa ‘Rumba pa Tumba’ nos a mira un presentashon di Gio Fuertisimo i bo por a mira e tempu ei ‘Juni Chiki’ kantando koro pa Gio...

Pa e siman aki tin e ‘Jump In’ virtual djasabra próksimo...

Bon idea i nos ta sigur ku nan lo logra di atraé un kantidat di hende ku lo bai disfrutá dje presentashon di nos bandanan lokal...

Durante dje wikènt aki nos a sali pa wak kon e moveshon riba kaya ta i a tuma nota ku na masha hopi restorantnan e kantidat di públiko tabata grandi...

Mi ta spera ku e pueblo ta sigui kuida manera nan a hasi for di kuminsamentu di e pandemia...

Tin algun proyekto pendiente ku pa e siman aki lo mester bira konosí si nan ta bai risibí pèrmit pa por organisá e eventonan aki...

Mi no sa si ta bai warda te despues ku e ‘Tumba Revival’ pa duna pèrmit na e organisadónan...

E promoshon di eventonan mester tuma lugá...

Basta partido ta logra pa pasa e pre elekshon i lo ta interesante pa wak kon kada partido lo bai move den e luna i mei ku falta aki ...

E agènda i plan di akshon di kada partido lo ta determinante pa kombensí e pueblo...

Awe Gobièrnu mester duna indikashon kiko nan ta bai hasi ku e medidanan ...

Awe nos lo sa si ta sigui deseskalá òf si ta mantené e medidanan manera nan ta aworakí...

E sentimentu ta ku mester baha i duna oportunidat tambe pa presentashon musikal den un format chikí ...

Ban spera ku pa mèrdia nos risibí e informashon di Gobièrnu...

Nos tei move, polítika ta HOT e dianan aki...

Djárason ku Dios ke nos tei bèk!...