Un felis djabièrnè pa tur nos lektornan...

Hopi desepshoná AMAK ta ku e desishonnan ku Gobièrnu a tuma ayera...

E organisashon tin e último simannan aki ta tratando na tur manera pa logra kombens’é Gobièrnu pa por duna farándula un apertura, pero ketu...

Ku palabrashon ku lo a atendé i tuma un desishon pa awe, Gobièrnu ta pone un rueda di prensa ayera i minimalmente ta hasi menshon di farándula ...

Nan ta pendiente, awe AMAK ta pendiente pa bai tende si lo tuma nan proposishonnan na konsiderashon...

Awor si e organisashon a fada di bèrdat...

Pa e bosero, Rignald Maduro indiká ku no por deskartá niun tipo di akshon di parti di AMAK ta un kos serio...

Biaha pasá riba Plasa Wilhelmina den Punda nan a tene un manifestashon ku a konta ku sosten di e grupo di músikonan ku ta identifiká nan mes komo ‘Union di Artista’ i pa e okashon ei a risibí atenshon di Gobièrnu...

Aworakí si bo mira bèrdat, tur loke ku tin ta tumando lugá na diferente sitio na Kòrsou i prinsipalmente sitionan kaminda tin aglomerashon basta grandi di hulandesnan, ta di lamentá ku Gobièrnu no ta duna farándula lokal un chèns pa kuminsá sikiera ku 50% di asistensia...

Produkshonnan musikal di nos bandanan lokal ta sigui wòrdu estrená, pero e momentu pa presentá ta mustra di ta leu ainda...

Aworakí e medidanan ta vigente te ku dia 8 di mart, pues no por spera kambio si no ta ku Gobièrnu a disidí di pasa man na su kurason pa esaki sosodé...

Ma gosa e idea ku Danny Yanga a hasi dor di komponé un piesa i laga un hóben di 10 aña interpretá e kansion...

Nos mester duna sosten na tipo di produkshonnan aki pa dje forma ei por yega e hubentut, esnan chikí pa medio di kansionnan ku mensahe profundo...

Awe tardi Raey ta estrená su produkshon mas nobo...

Den e wikènt aki, manera nos a indiká djárason tin e konsierto di Randal Corsen i Dibo D den Landhuis Bloemhof...

Tantu mañan komo djadumingu tin dos presentashon dje konsierto...

Segun ma komprondé e ta praktikamente sold out i ta algun karchi a sobra...

Ban sostené nos artistanan lokal, kumpra bo karchi, asistí i disfrutá dje presentashon di 2 di nos artistanan lokal ku ounke tur kontratempu ku COVID-19 a trese, a sigui produsí músika ...

Ma chek ku AGKK ayera nochi, Henny Reinilla a bisa mi ku e ‘penningmeester’ di AGKK a bis’é ku e kuenta ta ‘KETU’, Gobièrnu no a pone nada ainda...

Gruponan ta den espera di un chipi chipi di e sèn di Prekario...

Segun ‘Louie Louie’ por a komprondé ta trata aki di mas o ménos 114 mil florin ku AGKK lo mester risibí di Gobièrnu...

E montante lo por ta mas tambe...

Segun fuentenan fidedigno di krédito tin aserkamentu a tuma lugá ku sektor di Kultura di interesadonan ku ta plania pa hasi petishon pa por organisá Karnaval 2022...

Nos tei move, djaluna nos ta bek!...