Un felis djabièrnè pa tur nos lektornan...

Situashon ta pèrèmpèmpèn, kantidat di kontagionan a subi ta pone ku e situashon ta bira un di preokupashon...

Tin yen komentario ku lo bin ku ‘Lei Seku’ i riba esaki ‘CRA’, e asosashon di restorantnan di Kòrsou a reakshoná mesora bisa ku nan sigur lo no aseptá ku ta bini ku un medida asina...

Nan a pasa den biaha pasa kaba i lo no ke yega bèk na e situashon aki...

Mi ta duda ku den e plannan ku tin pa kontrarestá e situashon di subimentu di kasonan ku ta bolbe yega te na e márgen aki...

Nos pensamentu ta ku mester evaluá ta di unda e ‘klustenan’ ta bini pa dje forma ei hasi kontròl mas stringente na e sitionan aki...

Pa tuma un medida general ku lo tin efekto riba un gran parti di poblashon ku si ta kumpli ku tur e medidanan lo e trese un reakshon negativo i lo pone ku mester di mas kontròl pa dominá e situashon ku esaki lo trese kuné...

Bena Mayo su cover di ‘Madjango’ a bolbe resaltá e kalidat ku e formashon musikal aki tin...

Ma tuma nota tambe ku Randal Corsen i Dibo D a graba e videoclip di nan siguiente produkshon ku nan ta bai lansa ku tur probabilidat pa otro siman...

Nos tei drenta e siman di elekshon aki na Kòrsou i un kos ku sigur ta masha importante ta bo derecho di voto...

Hasi uso di bo derechi di por vota i bai vota...

Abo por ta e diferensia...

Nos mester konsientisá nos pueblo pa ku votamentu i loke ku mi a sinta falta aworakí ta e promoshon ku mester wòrdu hasí di kon ta vota!...

Mester bini ku un instrukshon visual kaminda ta mustra ta kon mester vota...

Dikon? Pasó esaki ta evitá ku na final di elekshon lo bo tin un kantidat grandi di voto inválido...

Tin 1 siman ainda i mester pone atenshon riba ‘Kon ta vota?’...

Nos a buska kontakto pa tende kon a para ku e reunion entre Fundashon Kultural Seú Kòrsou i Polis, pero nos kontakto no tabata alkansabel...

Ensayonan a kontinuá, pero ta pendiente pa tende di Gobièrnu bou di ki kondishon e evento lo tuma lugá i na unda...

A proponé Klup di Shell, pero parse ku esaki a keda di skrap...

A rekomendá pa bai Festival Center ...

Nos a yega wikènt i mi ta spera ku e komportashon di públiko lo ta na e nivel ku nos tur ke mira...

Kuida bo mes i otronan, no biba pa biba, ser konsiente ku e aporte di nos kada un ta saka nos Pais for di e situashon ku e ta den!...

Disfrutá di bo wikènt, pero na midi!...