Nos a yega wikènt den ‘lockdown’ aki...

Pero loke ta importante ta ku nos ta mirando ku e kasonan di kontagio a baha, esaki huntu ku e kantidat di hendenan ku ta rekuperá i esnan ku ta den Intensive Care...

Ta di lamentá ku e kantidat di hendenan ku ta fayesé ta sigui riba mesun ritmo...

Palabranan di sosten i kondolensia nan esnan ku a pèrdè un ser kerí den e dianan ku ta tras di lomba pa motibu dje pandemia...

Nos a tende e reakshon di Minister di Kultura relashoná ku e montante ku lo mester paga AGKK pa prekario...

Manera ta konosí AGKK no a keda niun tiki kontentu i awor ku deklarashon di Minister Zita Leito, e reakshon di AGKK sigur lo no kambia...

E echo ku no tabatin transparensia den kiko ta e gastunan i tambe si no tabatin un presupuesto traha delantá ta pone ku aworakí praktikamente mester guli e pulchi numa i buska un solushon pa e manera ku ta atendé ku prekario di Karnaval...

Kon tei sigui awor...

Nos ta keda pendiente pa e siguiente paso di AGKK den e kaso aki...

Na Hulanda den luna di ougùstùs tin e evento konosí komo ‘Lowlands’, ayera a bende e último 500 karchinan i esakinan a bai den algun sekònde...

Ounke ku den e siman aki e kantidat di kasonan positivo a bolbe subi, ta duna outorisashon te ainda pa eventonan grandi keda promové, ounke tin chèns ku si mester lo anulá e pèrmit i kanselá e eventonan...

Ayera mi a tuma nota ku Buleria ta usando e plataformanan digital internashonal ku ta paga e artista pa su músika pa pone nan músika disponibel pa nan fanátikonan...

Bo mester kuminsá un kaminda, produkshon musikal tin su gastunan kuné i si bo no tin entrada pa motibu ku no por presentá bo mester hasi uso dje plataformanan pa yega na entrada...

Aworakí ta e fanátikonan tin ku sostené e banda dor di skucha nan músika riba un dje plataformanan ku e banda ta usando...

Esaki ta birando e normal nobo kaminda fanátikonan tambe mester ta konsiente ku bo mester sostené bo artista pagando pa skucha su músika...

Mi a mira ku El Canario, Charlie Aponte i un kantante mas tabatin un konsierto grátis ayera nochi riba facebook...

Mi no a logra pa sigui e konsierto, pero mi ta sigur ku amantenan di Salsa sigur lo a sigui e konsierto aki...

‘Louie Louie’ ta masha interesá pa sa kiko lo bai bira e maneho ku Gobièrnu nobo lo tin pa loke ta trata nos Kultura...

Mester bin kambio den e maneho i mester duna atenshon na Kultura...

Un felis wikènt pa bo, kòrda mantené bo mes na e reglanan...

Te Djaluna ku Dios ke!...