Un felis aña nobo pa tur nos lektornan...

Un 2022 ku tur klase di éksito pa bo! Kere den bo mes i lo bo mira ku tur bo ideanan ta bira realidat...

Un aña kaminda a palabra ‘Union’ tin ku hunga un ròl importante den kada un di nos su  kurason si nos ke Kòrsou bon...

Ban uni pa dje forma ei, no solamente abo komo persona individual ta bai dilanti, pero huntu nos ta hiba nos Pais dilanti...

Ban empoderá otro pa saka lo mihó for di nos kada un...

Ban traha pa adelanto di nos Pais...

Maske kon difísil kos lo por ta, ban saka lo mihó for di dje...

Ser Positivo i Kreativo pa bo logra tur bo metanan...

For di promé ku aña a bòltu bo por a tuma nota ku e kantidat di kontagionan a subi barbaramente i esaki ta debí na diferente faktor...

Aworakí e magia lo bira pa nos kuida i pa logra pa e kantidat di kontagionan baha...

Nos no por permití ku e pais mester bolbe bai den un “lockdown” pa nos sali for dje situashon ...

Awe ta fecha ku lo bai anunsiá algun medida...

Ban spera ku e medidanan aki lo ta pa durashon kòrtiku...

Ta importante pa nos tene nos ekonomia ‘bibu’ aworakí i no laga esaki bai kai den un abismo...

Un pabien na e artista i músikonan ku a logra di pone un òf mas di nan komposishonnan riba e diferente Tòpnan di 2021...

Tantu na Kòrsou komo na Aruba por a tuma nota di diferente piesa ku a resaltá...

E echo ku tin un kolaborashon entre e artistanan di e islanan ta pone tambe ku e merkado dje piesanan ta bira mas grandi i bo ta krusa frontera logrando éksito...

Ma tuma nota tambe ku na Argentina e kantante Ephrem J a logra éksito ku su kansion ‘Por una Mujer’ a resultá e mihó “bachata” pa e oyentenan di un radio emisora popular na Argentina...

Aki aña a bòltu i Tumba a kuminsá zona na radio...

Ounke lo no tin un temporada di Karnaval ku su aktividatnan, esei no ta kita ku lo usa e temporada si pa laga e muzik zona na radio...

Un pabien na Morgan Isenia ku awe ta kuminsá ku un reto nobo, tur klase di éksito!...

Tin algun proyekto mas di radio ku televishon ku mi a tuma i ta tumando nota di dje ku sigur ta bai hala atenshon...

E moveshon pa bai mas den direkshon di digitalisashon ta pone ku bo no por sinta ketu, paso trein ta pasa bai laga bu...

Mundu ta desaroyando riba un spit haltu i si bo no djòin e moveshon bo media ta keda pará su so sin otro alternativa pa yega na entrada...

Nos tei move, awe tabata e promé edishon pa 2022, nos tin yen mas na kaminda...

Djabièrnè nos tei bek, bon siman!...