Un bon siman na nos lektornan...

 Wikènt kargá ku aktividat i nos pueblo a move rònt Kòrsou...

 Aktividatnan tabata kolmá ku hende, loke ta un bon indikashon...

 Ban kuminsá ku Lanthuis Bloemhof...

 Tremendo e proyekto di ‘Kosecha Kultural’, e ta un inisiativa tremendo ku a kaptá atenshon di públiko sigur...

 El a bai dje bon ei ku Lanthuis Bloemhof a resultá chikí...

 Hopi hende mes a bishitá e evento i ta rònt bario e hendenan a parker outo pa por yega e evento...

 E konsepto ta tremendo pero for di awe mester kuminsá buska un lugá ideal pa organisá e di dos edishon dje evento...

 'Corks & Forks’ un biaha mas a resultá un éksito, organisadónan a logra pa un biaha mas atraé un públiko grandi ku apart di e biña a gosa di bon animashon musikal i tambe un evento kulinario di klase aparte...

 Jadira i Monifa ta pendiente pa djárason awor presentá e sekshon nobo di Grupo di Karnaval ‘Dushi Aventura’...

 Ta promé biaha ku Dushi Aventura ta hasi presentashon di un trahe di Karnaval...

 Semper nan a usa Gran Marcha pa sorprendé e públiko ku nan trahe...

 Papiando di Karnaval, djabièrnè último Little Twinkels, e grupo di Karnaval Hubenil a presentá nan trahe...

 Little Twinkels a repartí nan grupo den 3 sekshon i a presentá 2 sekshon...

 E di 3 sekshon lo bira un sorpresa riba dia di Marcha Hubenil 2018...

 Akisha Albert ku un tremendo presentashon na Bolivia durante di e sertámen di ‘Miss Hispanoamericana 2017’...

 Akisha a logra e premio di Virreina Hispanoamericana’, loke segun mi ta ekivalente na promé finalista...

 Awe mèrdia, Akisha a keda pa yega Kòrsou ku un buelo di Copa Airlines...

 Ozuna a impreshoná ku su presentashon djadumingu mardugá ora ku el a subi tarima na Sambil...

 E hóben kantante tabatin un presentashon tur afó i su banda a kompañé di un forma magnífiko...

 Esnan ku a duda den e popularidat di Ozuna a keda sorprendé pa mira kon loko e públiko a bira na momentu ku e kantante a subi tarima i kon kada kansion tabata keda kanta pa e públiko...

 Su show tabata kompletu, e kombinashon di kanto, kompañamentu musikal, efektonan spesial, led screen i efektonan di lus a resultá magnífiko...

 P’ami Plan B no a resultá e kos ku ma spera. Nan presentashon tabata bon, pero segun mi tòg tabata falta algu pa konkista e públiko...

 Apertura di Aguinaldo tambe a bai bon...

 Kas di Kultura por mira atras riba un evento eksitoso ku a logra di atraé un bon públiko...

 Gruponan a duna bon presentashon i forma un ambiente tremendo riba Plasa Wilhelmina den Punda...

 Bon esaki tabata tur kos pa awe, nos tei move...

 Djárason nos tei bèk ku otro edishon di ‘Louie Louie’...