Un bon siman pa tur nos lektornan...

Kon a bai ku fin di siman...

Un pronto rekuperashon na Farley Lourens. Ayera nos a topa i kontentu di mir’e bèk riba pia. Tuma tempu rekuperá...

Mañan anochi tin un konsierto ku e dos ‘titannan’ den kanto aki na Kòrsou, Romeo Heije i Boy Thode riba Freewinds...

E konsierto ku meta pa rekoudá fondo pa ‘Fundashon Nos Grandinan’ ta un konsierto ku bo no mag di pèrdè...

Chèk e artíkulo den ‘Bembe’ pa bo sa unda por kumpra karchi...

Segun ma komprondé no a sobra masha karchi...

Grupo Zjangilae a presentá nan trahe pa Karnaval 2018...

Zjangilae ta bin trese ‘Balansa’ den e desaroyo teknológiko ku nos ta bibando den e mundu aktual...

SAAN, Skol Avansa Amoador Nita djasabra anochi tabatin su elekshon di Rei i Reina Tiner pa Karnaval 2018...

Nan a skohe nan Prens i Prinsesa tambe pa partisipá na elekshon di Rei i Reina Karnaval di Bándabou...

Na Aruba temporada di Karnaval a kuminsá i nan tin nan jingle, lema i te hasta programanan di Karnaval a start na radio...

Aki ainda nada di Grupo JAG, nos ta na altura ku nan ta trahando riba e último detayenan por tene nan presentashon na públiko...

Dianan ta bai i mester tin tur kos bon hinka den otro ...

‘Gio Extravaganza’ ta na kaminda...

Tres dia, tras di otro, Gio den tur su konseptonan...

Algu estilo di un Festival di Tumba òf Festival di Jazz...

Tres dia tras di otro, djaweps 7 desèmber, djabièrnè 8 di desèmber i djasabra 9 desèmber 2017...

Keda pendiente pa nos por kompartí mas informashon relashoná ku e evento aki...

Fanátikonan del alma di Gio no por pèrdè e wikènt úniko aki di ‘Gio Extravaganza’...

Interes pa ‘Taste of Music’ ku Ilan Chester ta mustra di bai bira un tremendo evento...

Venezolanonan residensia na Kòrsou ta loko ku nan ídolo i den benta di karchi promotornan a ripara mesora...

Tin diferente konsierto di Pasku pa e temporada aki. Kada un ku nan konsepto, pero nos mester ta sinsero, e públiko ta kla pa bai tantu konsierto di Pasku tras di otro? ...

E situashon aki ta konta meskos pa fiestanan ku tin praktikamente mesun bandanan ta kombiná, ta fecha ta kambia i un kantante invitá...

AMAK kon a para ku Festival di Tumba...

Feco Gomes ta den un silensio hermetiko...

No tin nada konfirmá ainda? Dianan ta bayendo i e situashon ta mustra difísil si no logra bin kla na tempu...

Bon tabata un plaser kompaña bu awe ku otro edishon di ‘Louie Louie’...

Pendiente pa djarason nos por bolbe suministra mas informashon pa nos lektornan...

E deseo di un bon siman, ban traha pa hiba nos Pais dilanti...