Djárason a dal aden aki...

 Kòrsou ta sigui skor den e mundu di beyesa...

 Despues ku Akisha Albert a resultá ‘Virreina Hispanoamericana 2017’ na Bolivia, awor ta Chanelle de Lau ta den spòtlait...

 Chanelle de Lau a resultá e promé finalista di ‘Miss International 2017’ i mester bisa ku e tabatin un tremendo presentashon...

 Pabien Chanelle ku bo logro...

 Nashaira Balentien ta na Las Vegas den kuadro di su partisipashon na e sertámen di Miss Universe 2017...

 Nashaira tambe tin un potensial grandi pa logra hopi...

 Ayera nochi tabatin e promé evento ofisial dje sertámen i den e dianan ku ta sigui lo bai tin diferente evento i tambe treinen pa e sertámen di Miss Universe...

 Nos ta deseá Nashaira tambe tur klase di éksito na e sertámen di Miss Universe...

 E evento ‘Lokura di Wals’ ku Fundashon Orkesta Sinfóniko Hubenil Kòrsou ta presentá djabièrnè awor ta un evento ku amantenan di músika no mag pèrdè...

 No ta e konsierto so ta bon, pero e echo ku bo ta duna bo aporte tambe dor di kumpra un karchi pa e evento, pero bo ta yuda FOSHK pa por sigui duna lès di instrumènt di arko...

 E konsierto ta na Landhuis Brakkeput Mei Mei i karchinan ta optenibel na Mensing’s Caminada i na 24 uur uit de muur...

 Fanátikonan di Gio a mané lanta fo’i soño i ta blo papia di Gio Extravanganza ku ta bai tuma riba dianan 7,8 i 9 di desèmber...

 Ta un paranda di tres dia e ko’i tei bira...

 Otro dje fiestanan ku tambe ta hañando bastante atenshon ta ‘Simplicity’, djasabra awor na Landhuis Brakkeput...

 E fiesta ku presentashon di Tune, ERA i dj Argenis Huerta tin tur ingrediente pa bira e fiesta di wikènt...

 Awe ta djárason i ta fecha pa otro edishon di ‘Happy Hour Kultural’ na Zona Kultural Kòrsou...

 Awe nochi durante dje Happy Hour lo tin presentashon di Grupo di Tambú ‘Riba Ruta’ i Grupo di Aguinaldo ‘Ambiente Navideño’...

 Happy Hour ta start for di 7’or di anochi i ta terminá 11’or di anochi...

 Kas di Kultura ta invitá bo pa bo bin biba bo Kultura durante dje tremendo Happy Hour aki...

 Kòrda ku ta tur djárason te ku fin di aña ku lo tin e aktividat aki...

 Ma tende un ‘vrum vrum’ ei ku ta bai pone hopi promotor na kareda...

 Mañan den dia mi ta bai chèk si e informashon aki ta bèrdat...

 Si ta asina, anto e lista ku nan ta trahando lo bai paralisá kaya...

 Ma papia ku Feco e ta kombensí ku e ta kla pa dia 8 di desèmber anunsiá Festival di Tumba 2018...

 Un plaser di por a kompaña bu awe ku otro edishon di ‘Louie Louie’...

 Nos ta topa djabièrnè awó!...