Un bon siman pa tur nos lektornan...

Ayera pueblo di Kòrsou por a disfrutá dje tremendo homenahe póstumo na Ced Ride...

Un repertorio ku a inkluí 22 dje éksito di Ced Ride a keda interpretá den gran forma pa e orkesta bou di direkshon di Hershel Rosario ...

Kor Sta. Famia tambe tabatin un bon presentashon ...

Na mi humilde opinion, esaki tabata e promé di loke mester bira un tradishon pa tur aña nos duna homenahe na nos baluartenan musikal ku un konsierto pa rindi homenahe na nos artistanan lokal...

E no mester ta presentashon di un solo artista, pero e por ta un kombinashon di esaki...

Riba dia ku nos ta selebrá Pais Kòrsou, nos mester pone enfoke riba nos artistanan lokal...

Sektor di Kultura mester hasi uso dje fecha pa organisá konsierto kaminda ta homenahiá nos artistanan lokal...

Mester usa e fecha pa traha riba ‘nation building’, kaminda ta bolbe laga piesanan ganadó di ‘Un Kanto pa Kòrsou’ keda presentá den kombinashon ku éksitonan di nos artistanan lokal...

Ma tuma nota ku ayera entre e invitadonan tabatin miembronan dje direktiva di AMAK...

Ma komprondé ku AMAK ta trahando riba un ‘profil’ pa miembronan di direktiva, esaki pa pèrkurá ku miembronan di direktiva di AMAK ta personanan íntegro...

No tin indikashon te ainda ku WTC a kuminsá hasi e kambionan ku ta nesesario pa brantwer por aprobá pa eventonan por tuma lugá den e sala di eksibishon...

Tin mas di eventonan ku tabata pendiente pa tuma lugá den WTC ku a posponé nan evento...

Manera nos a indiká siman pasá, tin masha fecha reservá pa evento den WTC i ta kumbiní finansieramente na e doñonan pa nan por hasi e adaptashonnan nesesario pa e sala kumpli ku e reglanan establesé pa brantwer...

Un públiko basta grandi ayera nochi a akudí na Hendrikplein den Punda pa nan por a presensia e presentashon di trahe di grupo di Karnaval ViseVèrsa...

Mester bisa ku e evento ’10-10’ den Punda a logra atraé un bon públiko fo’i den trempan i ora solo a baha, e públiko lokal a yena Punda...

Tantu riba djadumingu komo ayera nochi e organisashon a logra pa atraé un bon públiko ...

ViseVèrsa ta bai Bangkok...

Espektativa tabata haltu pa e presentashon di trahe...

"Chakris Dinasty- The Empire of Bangkok" ta nan tema ...

Na 2020 e gruponan grandi den Karnaval a logra di atraé hopi miembro, gruponan ku a superá 750 partisipante...

Mirando e desaroyo ku tin pa loke ta situashon ekonómiko, lo ta interesante pa sa si gruponan lo bolbe logra un kantidat haltu asina di partisipante...

Pa e wikènt benidero lo tin presentashon di trahe di ‘Alegria’ riba djasabra i djadumingu ta ‘Estreno Mas Pikete’ ...

Nos tei move, un bon siman p’abo!...