Un felis djárason pa tur nos lektornan...

Ku sendementu di lusnan den sentro di nos siudat e ambiente di fin di aña a kuminsá ...

Ounke Sanikolas mester pasa laga regalo pa e muchanan, e temporada mas dushi di aña a yega ...

Un temporada kaminda muzik alegre ta dominá i trese e dushi ambiente krioyo di fin di aña...

E aña aki nos ta bendishoná pa e echo ku nos tin dos tremendo tumba ku a keda introdusí den kuadro di ambiente di fin di aña...

E promé produsí pa Hershel Rosario i Edsel Juliet, un klásiko di Rudy Plaate ku ta zona masha bon mes...

Un tremendo piesa pa bon ambiente di fin di aña...

E di dos a keda introdusí ayera tardi...

Esaki un komposishon di Yumarya Grijt ku kolaborashon di Dibo Doran i Rich Pieter, produsí pa Randal Corsen i su tim di Randal Corsen Orchestra...

‘Henter aña den Paranda’ ta zona mes!...

Un areglo ku di tur kos un tiki, e perfekto kombinashon...

Ayera tardi durante introdukshon dje piesa den kuadro dje di 4 edishon di ‘Paranda di Fin di Aña’ ku lo tuma lugá riba dianan 28 i 29 di desèmber na Lanthuis Brakkeput Mei Mei Yumarya Grijt a indiká ku e piesa a surpasá tur su espektativanan...

Ta great pa bo tende Dibo D bisa ku ta dushi pa traha riba e nivel ei i ku el a konosé un otro banda di su talentonan...

Tim di prekario pa Karnaval 2018 a emití un komunikado kaminda nan ta partisipá e fechanan ku por pasa paga prekario pa e sekshonnan ku e ruta di Karnaval ta repartí...

Pa esnan ku ta riba lista di espera tambe tin informashon pa nan...

Djadumingu awor tin e ‘Thnxgiving Concert’ di El Tributo na Morada Santa na Bottelier...

For di 10’or di mainta te ku 12’or di mèrdia lo tin presentashon di Randal Corsen i su kantantenan invitá...

Un konsierto grátis ku bo no tin mag di pèrdè...

AMAK a sali i informá ku TeleCuraçao ta esun ku lo hasi produkshon di Festival di Tumba 2018...

Awor nan mester kaba di sera e kantidat di ‘Branding Partnernan’ ku nan tin mester pa kubri gastunan dje evento...

Sin esaki, segun nan komunikado lo no tin ‘open broadcast’, pues transmishon riba e anochi final via di Kanal 8...

E situashon no ta fásil pa e organisashon, hopi deliberashon a tuma lugá i ta tumando lugá ketu bai...

Awe ta selebrá Dia di Músiko i AMAK tin su selebrashon pa músikonan kaminda lo hasi entrega di ‘Premio Edgar Supriano’, un premio pa músikonan ku a sobresalí durante di aña...

Mi tei move! Djabièrnè nos tei bèk...