Nos tei bèk despues di dianan di fiesta...

Kon a bai ke selebrashon di Pasku? ...

Mi ta spera tur kos a bai bon i ku bo a sa di disfrutá den seno familiar...

Ma tuma nota ku e aña aki hopi ta esnan ku a skohe pa mantené e selebrashon den seno familiar...

Promé ku baimentu di fiesta i goso, a uni ku famia pa komementu i pasa un ratu alegre ku otro...

E union ei mester sigui plama i bira un pa henter Kòrsou...

Ku union nos ta bai dilanti...

Pa loke ta trata fiestanan. Hopi a bai bon, ku bon asistensia, ounke ta di lamentá ku tabatin bringamentu atrobe...

Tin hende ta bou dje impreshon ku ora nan bai fiesta ku ta ‘all in’ ku nan por kibra e bar...

Awe ta fecha di e rueda di prensa di AMAK relashoná ku Festival di Tumba 2018...

Awe Feco lo hasi anunsio ofisial di su partnernan pa e di 48 edishon di Festival di Tumba...

Ya awe ma tuma nota ku TDS a kuminsá hasi promoshon pa ‘Pay per view’...

‘Pay per view’ durante dje último 10 añanan sigur a resultá di ta un dje fuentenan di entrada prinsipal dje festival...

P’esei e kolaborashon ku TDS mester a sigui pa por garantisá e entrada ku ta yuda kubri sigur un dje gastunan prinsipal ku ta pago di e músikonan partisipante na e festival...

Pa nos bai pe tema di prekario, awe i mañan ta e último dos fechanan pa pago di prekario pa esnan ku den 2017 tabatin un sitio pa wak karnaval...

Si no kumpli ku pago e sitio lo keda repartí entre esnan ku ta riba e ‘lista di espera’...

Nan lo tin chèns e or’ei for di 4 di yanüari pa 19 di yanüari 2018 pa kumpli ku e pago di prekario...

Segun informashon aworakí tin mas o ménos 110 mil florin rekoudá, siendo ku aña pasá na mesun momentu ya tabatin 160 mil florin kobrá na prekario...

E diferensia di 50 mil florin ta indikativo ku tin basta un par di hende ku si entre awe i mañan no hasi pago ta pèrdè nan sitio pa para wak Karnaval...

E reunion ku gruponan di Tambú i Aguinaldo a kontinuá djasabra último, 23 di desèmber...

Ma komprondé ku e asistensia na e reunion aki tambe a laga di deseá...

Nos ta pendiente pa tende kiko ta e resultado final dje reunion pa dje forma ei sa kon e maneho pa ku presentashonnan públiko di gruponan di Tambú i Aguinaldo lo sigui...

Ata importadornan di vürwèrk tambe ta den un labatiba pa loke ta trata implementashon di lei di benta di vürwèrk dor di instansianan gubernamental...

Nos tei move, djabièrnè nos tei bèk ku e último edishon di ‘Louie Louie’ pa 2017...

Awe ta dia di trabou, ban traha pa adelanto di nos Pais...