Un felis djabièrnè na tur nos lektornan...

E tres anochi preliminar di Kantadó Mayó a kana bon...

E finalistanan ta konosí i pa mañan nos ta den espektativa pa un gran final di Kantadó Mayó...

Bon presentashon di gruponan rítmiko ku a kompañá den gran forma...

Aki aya algun kantante ku a bai fo’i tono, pero mester remarká tambe ku tabatin algun kantante ku a bria ku nan bos interpretando e kansion ku nan a presentá...

Klup di Shell manera nos a indiká fo’i inisio lo ta chikí mañan anochi...

Un biaha mas a keda demostrá ku e evento meresé un lugá mas grandi pa organis’é, pero ta un lástima ku Gobièrnu no ta duna e aporte nesesario pa por organisá esaki den un sitio mas grandi...

Tin biaha bo ke te hasta proponé e lokura pa laga Kantadó Mayó tuma lugá riba Plasa Brion i hasi e evento un grátis pa públiko...

By the way mester hasi menshon ku ta masha unifòrm masha bunita a keda presentá den Kantadó Mayó...

Telanan bunita ta loke ku a keda usá pa konfekshoná e trahenan...

Great pa a tuma nota ku sigur tres agrupashon musikal a skohe ayera, Dia Internashonal di Hende Muhé pa saka komposishonnan ku ta relatá na e tema...

Buleria, ERA i ONE a hasi esaki i tur tres piesa ta zona bon...

Ban pa e diskushon ku a start despues dje presentashon di SOCAN i nan proyekto pa logra miembro aki na Kòrsou pa vigilá i logra pa kobra kompensashon pa artistanan lokal...

‘Louie Louie’ tabata sa ku tin hende ku lo ta ful kontra di esaki i te hasta esnan ku pa no bisa esei ‘flèt’, ta drai rònt i bisa ku nan no ta sigur ku e proyekto lo logra aki na Kòrsou...

Ta un bèrdat ku no solamente e artista lokal lo kobra royalties, pero e empresa lo kobra tambe pa su 22.5 mion kansionnan ku e tin den su repertorio...

Esei ta nifiká ku radionan sigur lo tin ku paga un bon pida pa toka piesanan internashonal...

Loke ma haña laf ta e echo ku a kasi ataká Abogado David Kock, pasó el a mira ‘business’ den e proyekto...

Tur hende tin derechi di hasi negoshi i si e empresa aserká su persona pa ta nan abogado na Aruba, Boneiru i Kòrsou, ya ta su suerte...

Pero pa bira personal ku e reklamo si no ta bon i ta kompletamente fo’i òrdu...

Awe nos ta kòrtiku, nos tei bèk djaluna ku poder di Dios...

Eksito na tur e finalistanan di Kantadó Mayó, disfrutá di bo wikènt !...