Un bon siman na tur nos lektornan...

Kòrsou tin su ‘Kantadó Mayó’ pa 2018...

Furgell Wijngaarden a bolbe resultá e ganadó apsoluto di ‘Kantadó Mayó’...

Ta manera un komentario riba un dje retnan sosial a bisa: Furgell ta birando e tata di Kantadó Mayó...

Hopi bon letra ta loke ku a e festival di aña aki a konosé...

Nos no ke drenta den e evaluashon dje resultado di Kantadó Mayó pasó p’esei tin hurado...

Loke si mester bin mas aklarashon riba dje, anto esaki mester ta habrí pa diskutí ta e reglanan di Kantadó Mayó, sigur pa loke ta trata e kompañamentu musikal...

Ma tuma nota di basta diskushon riba esaki i e similaridat ku e ritmo di seú por bai zona manera otro ritmonan...

Diferente músiko tabatin nan reakshon riba retnan sosial i esaki ta pone ku mester bin un reunion kaminda lo diskutí riba e sistema di toka Seú durante dje festival i si lo tin ku amplia e tipo di instrumèntnan ku ta usando aworakí pa kompañá den e festival...

Ban wak si Fundashon Kultural Seú Kòrsou lo tuma e konseho aki i pone un reunion pa atendé e punto importante aki...

Un kos ta sigur i esei nos a kant’é fo’i dia ku a bisa ku ta bai ku e festival den Klup di Shell ku e lugá ta chiké pa organisá un festival dje grandi ei...

Mi ta kere ku definitivamente e festival meresé un lugá mas grandi pero ku ta keda ku e kalor ku e públiko ke...

A purba aña pasa ku Festival Center, pero nos no sa dikon no a bai mas ei den...

Tin algun informashon ta skeiru, pero mi no tei usa esakinan mes komo motibu...

E organisashon mester sinta ku Gobièrnu pa konsientisá nan di e importansia di e festival òf di otro banda Gobièrnu i Kas di Kultura mester aserka FKSK pa dje forma ei nan sinta huntu i yega na un solushon pa e evento...

Nos proposishon pa hiba e Festival Plasa Brion no ta algu ku ta imposibel...

E organisashon mester haña e sosten di Gobièrnu i instansianan Gubernamental pa dje forma ei nan por organis’é na Plasa Brion...

Meskos mi ta kere ku Festival ‘Un Kanto pa Kòrsou’ tambe meresé un lugá kaminda públiko por bai wak e festival sin mester paga entrada...

Nos ke halsa nos patriotismo, pero e festivalnan ku por kontribuí na esaki tur mester paga entrada pa drenta...

Nos tin e ganadónan di Kantadó Mayó, awor FKSK mester pèrkurá pa tur medio di komunikashon risibí un CD dje finalistanan pa dje forma ei nan toka na radio i kontribuí na duna realse na e festival i nos patriotismo...

Feco a reuní ku e representante di e 5 bandanan ku a pidi un reunion riba Festival di Tumba...

Benta di karchi di Curaçao Ponton Festival tambe a bai hopi bon...

Nos a kombersá djasabra anochi ku Giscard i e tabata kontentu kon kos a bai...

Bon nos tei move, djárason nos tei bèk !...