Un bon siman pa nos lektornan...

E wikènt ku ta tras di lomba tabatin elekshon Reina Seú i tambe premiashon di Karnaval 2018...

Ban kuminsá ku elekshon Reina Seú. E organisadónan a pèrdè oloshi na kaminda pa International School...

E evento a kaba demasiado lat i ta di lamentá ku pa kolmo nan a kuminsá bon lat...

‘DEN E BEMBE’ ta keda debe bu e resultado di Sertámen di Reina Seú awe, esaki debí na e echo ku nos a keda pendiente pa risibí e resultado, pero te anochi lat no a haña esaki...

Nos tin foto pero e resultado ofisial no a keda kompartí...

Te hasta ora bo wak e evento via di ‘live streaming’ ta yega un momentu ku bo ta bòltu drumi numa, pasó no ta straf bo tin...

Pabien na e ganadó i su finalistanan, pa awe nos lo trata na risibí e informashon dje organisashon pa dje forma ei kompartí esaki ku nos lektornan...

Premiashon di Karnaval a bai den bon ambiente...

Pabien na ‘Sweet Party Kids’, ‘I Love to Hip Hop i R&B’ i naturalmente na ‘Vise Vèrsa’, ganadónan di respektivamente Marcha Hubenil, Parada di Tiner i Gran Marcha…

Tune a anunsiá ku nan ta bèk den farándula pero pa toka 1 pa 2 biaha pa luna...

E front di Tico Libiee, Luwi Jano, Jill Frans i Quincy tei sòru pa baila i disfrutá di nan presentashon...

Ayera nochi mi tabatin e chèns di por a sigui e transmishon via di ‘live streaming’ di entrega di premio di Karnaval i mester bisa ku e komentarionan via di e ret sosial tabata al kaso den algun okashon referente kon e premiashon di Karnaval a keda repartí...

Den premiashon hubenil i tiner tin algun hende ku ta di opinion ku e resultado mester ta di bòltu...

Hurado a kana evaluá i a yega na su desishon, ta manera e shon di Aruba, e hendenan tin ‘Zelossssss’....

Grupo Aloha pa di 4 aña sigui ta gana premio di Bar, Pancho i Mike tin e premio ei ‘patentá’...

Ta di lamentá ku gruponan di Marcha Grandi no a kumpli ku e petishon di Fundashon JAG pa tin por lo mínimo 3 persona bisti na e trahe ku nan a partisipá kuné den Gran Marcha...

Hopi laf ora bo tuma nota dje potrètnan di entrega di premio i no tin niun hende disfrasá...

Ma keda sorprendí di tuma nota ku Grupo Liber pa Gosa no a kai den e Tòp 10 di Gran Marcha...

E grupo a gana e kategoria di ‘Grupo Kómiko’, pero tòg no a kai den e Tòp 10 ...

Pabien na dj Bradley i dj Argenis Huerta. Nan 2 a resultá e dj-nan ku mas a resaltá, mas disipliná, mas ambiente i ku a kumpli ku tur regla...

Hurado no a skohe dj # 1 i dj # 2. Nan tabata mané Pontius Pilatus, laba man fo’i dje ko...

Nos tei move, ‘Louie Louie’ tei bek otro siman, debí na algun kompromiso nos lo ta ousente e siman aki...

Bon siman!...