Un felis djabièrnè na tur nos lektornan...

Ayera durante henter dia tabatin bastante diskushon riba retnan sosial relashoná ku e prohibishon pa bandanan toka den lokalidatnan den Pietermaai i tambe e asuntu di molèster di zonido...

Gobièrnu di su banda a duna informashon riba e kantidat di desibèl ku ta permití tantu den dia komo anochi pa lokalidatnan ku tin muzik...

E kantidat di desibèl ku ta permití tambe a bira un hilaridat ku yen komentario, pero loke mester a sosodé mester a splika tambe na unda e midimentu di desibèl ta tuma lugá pa dje forma ei esaki ta komprendibel pa sigur esnan ku ta duna komentario...

‘Schoenmaker blijf bij je leest’ sigur a konta ayera pa un kantidat di hende ku no ta komprondé e situashon di molèster di zonido...

AMAK ta moviendo pa logra atraé nan miembronan pa Alameda otro siman djárason...

E organisashon interinamente mester traha duru riba mobilisashon di su miembronan...

E kantidat di miembro ku a presentá na e reunion relashoná ku e situashon di molèster di zonido i pèrmit pa toka den sentronan di dibertishon, no tabata grandi...

Un músiko a hasi menshon di 20 hende ku a asistí na e reunion, esaki sigur ta bolbe pone na lus di dia ku e músikonan ta reakshon na momentu ku tin reunion relashoná ku SEN!...

Minister Martina tabata bon kla ayera durante di rueda di prensa di Gobièrnu...

Nos ta ‘quote’ loke ku Minister Martina a bisa ayera... Martina: ‘Si nos kue e liñanan en general i nos ta bai trata e parti di Pietermaai spesífiko ku na e momento aki tin diskushon rondó di dje. Nos ta bisa: ora no tin pèrmit, no por tin músika bibu òf di Dj. Ora tin pèrmit e zonido mester ta dentro normanan stipulá. Na momentu ku bo ke hasi uso di trottoir tin un pèrmit pa esei.’ ‘unquote’...

“ Mas claro no canta un gallo ”...

Gobièrnu a duna un splikashon ku ta papia palabra kla...

Awor nan ta pendiente pa bin ku un sekshon di informashon den Pietermaai pa dje forma ei duna mas aklarashon i splikashon...

‘Louie Louie’ ta kere ku e establesimentunan den Pietermaai lo bin kla ku nan pèrmitnan nesesario...

Mi ta spera ku ‘Blue Bird’ tambe logra pa risibí un pèrmit pa muzik bibu, pasó nan ta e promé ku a keda perhudiká den henter e asuntu aki, pero ta ora a prohibí Miles i Mundo Bizarro e situashon a risibí atenshon di públiko...

Mi ta spera tambe ku otro establesimentunan ku tin mesun problema por uni aworakí ku e grupo di Pietermaai i trata na yega na mesa ku instansianan gubernamental pa por logra nan pèrmit pa muzik bibu...

Djadumingu awor ‘Velas’ ta kuminsá i pueblo di Kòrsou lo tin e oportunidat di disfrutá di un tremendo evento organisá pa Curaçao Sail Foundation...

Lo tin hopi muzik i músikonan lokal ta bon representá den e aktividat aki...

Nos ta kombensí ku Punda i Otrobanda lo ta kolmá ku hende ...

Felis wikènt!...