Un felis djárason pa tur nos lektornan...

Otro siman ta e siman di Curaçao North Sea Jazz Festival i mester bisa ku ya trabounan a kuminsá tuma lugá pa dje forma ei prepará e área di WTC pa risibí e kantidat di públiko ku e aña aki lo asistí na e di 8 edishon di CNSJF...

Ayera nos a entrevista Minister di Ekonomia i Turismo, Sr. Steven Martina i e ta masha entusiasmá ku e artistanan ku ta bai presentá e aña aki...

Minister Martina su kondishon lo mester ta hopi bon, paso ta fo’i kabes el a menshoná kasi mitar dje kantidat di artistanan ku e ke bai wak...

E ta pendiente tambe pa bai wak e presentashon di Damian Marley, pa Minister Martina e bas ta hunga un ròl masha importante den músika di Reggae i ta basista e ta, ke men e tei basilá riba e muzik di Damian...

Awó ku djaweps ta aserkando ta mas hende bo ta tende ku ta interesá pa bai wak e presentashon di Farruko i Silvestre Dangond...

Mi tin un amigu ku ta Farruko e ke bai wak...

E di e tei promé ku nan habri porta pa e por tin un bon lugá di para pa por wak su artista faborito...

Ora bo wak e amigu di mi aki, mi ta sigur ku lo bo duda ku e gai aki ta un fanátiko grandi di Farukko...

E kabayero aki ta serka di 60 aña, pero e kurason ta yòn ainda...

Bo mester mir’é basilá i kanta Farukko su piesanan...

Moveshonnan ta tumando lugá den bandanan...

Kantantenan a i ta kambiando di banda, otro ta sigui i mayan nos lo tende for di e tim di maneho di ‘Icons by Gio’ kon henter e konstelashon dje banda lo ta...

Nan a manda un invitashon pa un rueda di prensa i nos ta pendiente pa bai tende...

Gruponan di Karnaval tambe a kuminsá ku nan presentashon di trahe...

Djasabra awor ta ‘ViseVèrsa’ tin nan presentashon di trahe...

Den promé siman di sèptèmber tin La Vie i asina e gruponan un tras di otro ta sigui ku presentashon di nan trahe pa Karnaval 2019...

Tin un proyekto musikal na kaminda ku sigur lo hala atenshon di esnan di mas edat...

Ayera ma risibí algun detaye dje proyekto i mi ta sigur ku esun para tras di esaki lo sa pa atraé e públiko ku normalmente no sa sali kaya si no pa okashonnan spesial pa su evento...

Tin un ‘vrum vrum’ no masha positivo tambe ku un selebrashon ku próksimamente lo mester tuma lugá...

Mi ‘brivenbùs’ ta habri i e ‘postbode’ a bèl kaba pa e pasa laga e informashon...

Mi ta pendiente pa tende ta kiko tei pasa ku e selebrashon aki...

Ma taha adelantá ku ora ke stret kos di un banda, esaki tin chèns di perhudiká e otro banda ku si tabata mas o ménos reglá i tolerá pa outoridatnan...

Nos tei move, awe siman a kòrta na dos, kòrtamentu di maishi ta djis den bògt ei, te djabièrnè ku Dios ke!...