Un bon siman na tur nos lektornan...

Un tremendo fin di siman tras di lomba...

Basta aktividat i fiestanan tambe tabata bon bishita...

‘Kaya Kaya’ a logra di atraé un públiko grandi pa Ser’i Otrobanda...

E organisadónan mes no a spera...

Hopi bon komportashon di públiko i un tremendo ambiente...

Muzik tabata na òrdu ku presentashon di diferente dj i tambe Uprising Band pa amantenan di Reggae i Hype ku a presentá un repertorio bon varia...

Manera ma komprondé ku e organisashon ta pensando ku nan lo sigui ku e aktividat pero podisé esaki keda organisá den un otro área di Otrobanda...

Un kos ta sigur, e evento tabata bon organisá, tin algun fayo chikí, pero esakinan ta frankamente bisa pa motibu ku nan no a spera un akohida asina grandi...

Vise Versa su presentashon di trahe tambe a sòru pa bon asistensia di públiko...

E sede di Lions Club Curaçao na Landhuis Klein Kwartier tabata e sitio kaminda a organisá e presentashon di trahe...

Manera ta kustumber nan a presentá un konsepto i den e artíkulo di ‘DEN E BEMBE’ Emo Cordilia ta duna un splikashon di esaki...

Akisha Albert a resultá Miss Elegansia, esaki den kuadro di e sertámen di Curaçao Beauty Pageant...

Djadumingu awor tin Miss Playa sigui pa otro siman dia 8 di sèptèmber e sertámen kaminda lo skohe nos representante pa Miss Universe, Miss Mundo i Miss International...

E eksposishon di ‘Abath & Zanolino’ ta impreshonante i ta bale la pena pa amantenan di arte bishita Landhuis Bloemhof den e siman aki pa apresiá e eksposishon aki...

Nan arte lo keda te ku dia 29 di ougùstùs pa públiko por apresiá den e eksposishon...

I grupo Sweet Sugar ta bek, awor komo ‘Sweet Sugar sigui konta’...

Ta for di 1971 Milly Hart a kuminsá ke grupo i awor su 2 prinsesanan huntu ku un tim di eks miembronan di Sweet Sugar tei sigui ku e grupo...

Nos a drenta e siman di Curaçao North Sea Jazz...

E wikènt pa e siman aki ta kuminsá for di djaweps awor riba e promé dia dje Festival...

E interes internashonal ta bon di loke nos a komprondé i awor ta momentu pa wak e sosten ku e públiko lokal ta bai duna na e festival...

Preparashon ya a kuminsá tuma lugá i awe tardi ‘Louie Louie’ ta bai tira un bista na WTC pa mira e adelanto di trabounan i kombersá tambe ku algun dje personanan klave dje evento...

Nos ta pendiente pa algu great ku nos lo bai anunsiá, pero ta pendiente pa e siman aki di CNSJF kaba pa hasi menshon di esaki...

Bon nos tei move, siman nobo a habri, nos mester sigui produsí pa hiba nos Pais dilanti, ni maske kuantu kontratempu por tin, ban pa bai ! Kòrsou mester di nos !...

Te djárason ku Dios ke !...