Un bon siman...

Kòrsou tin su representantenan pa Miss Universe, Miss World i Miss International, pero tur esaki no promé ku medionan sosial a keda invadí pa reklamonan di esnan ku a sinta na kas i wak e sertámen...

Pabien na Akisha Albert, Nazira Colastina i Diona Angela..

Tiffany de Freitas Bras ku a sali promé finalista dje sertámen tambe meresé un pabien...

Awó e entrada di WTC tabata masha nèchi dekorá, no por a hasi algu adishonal ku e stage ku no ta dos krùl di ‘truss’ i un ‘led screen’? ...

E stage a keda rékete bashí...

Un saludo pa ‘Ephrem Joe’, bon siman, duna un tiki mas splikashon pa e hendenan komprondé ku ta ‘J’ i no ‘Joe’ ...

Ma lanta un ratu bai buska un ko’i bebe, ta bèrdat ku tabatin partisipante ku no por a ekspresá nan mes na papiamentu? ...

E asuntu di vas komo premio ta algu ku mi tin un ratu kaba ku mi no ta komprondé, pa kolmo e biaha aki ma haña e impreshon manera ta kos di ‘karèt’ a keda repartí...

‘Louie Louie’ ta kere ku e sertámen no mester a dura dje largu ei tampoko...

E show mester ta un show kompakto ...

Ata na Merka Cardi B i Nicky Minaj a hera di bringa ku otro...

Un intento pa pelea a resultá den Cardi B ku un bòlòmbònchi riba su frenta...

E tiramentu di sapatu a pone ke shon a sali pia bou for di e lugá...

Awe ta yega for di República Dominicana tres di nos damitanan ku a gana premio den sertámen di Beauty World...

By the way e sertámennan na República Dominicana ta manera kos ku ta nos aki na Kòrsou ta bai gana tur kos...

Ken mas ta partisipá?...

Dj Hardwell, na vários okashon e mihó dj di mundu a anunsiá djabièrnè ku e ta bai tuma ‘tempu’ pa e deskansá i alehá su mes un ratu dje trabou ku e tin...

Ounke ku su fortuna ta kalkulo na 16 mion euro, montante ku fásilmente lo bo por bisa ku bo no ta bai traha mas...

Hardwell ta tuma un pousa pa e por bin bei, preshon di trabou ta pone ku e mester tuma ‘break’...

Mañan lo mi risibí algun informashon adishonal di ‘The Flying Dutch’, evento ku lo tuma lugá próksimamente na Kòrsou...

Bandanan di Kòrsou a kuminsá prepará i tin algun kaba ku a drenta studio di grabashon pa kuminsá produsí músika pa fin di aña...

Ma tuma nota riba retnan sosial di Randal Corsen i su trio, Yumarya, Dibo D i Rich Pieter, ku tambe ta den studio pa bai graba ...

E tumba di fin di aña pasá a kai den masha bon tera, ban wak kiko lo tin na kaminda pa e aña aki...

Nos tei move, djárason nos tei bèk ku otro edishon di ‘Louie Louie’...