Un bon siman pa tur nos lektornan...

Pabien na Parokia di Sta. Rosa ku nan tremendo konsierto di djasabra anochi relashoná ku selebrashon di 180 aniversario dje parokia i 70 aña di Monsenor Greg ...

E públiko ku a presensia e konsierto sigur a keda enkantá ku e presentashon di e artistanan...

Resientemente Ofisina di Turismo a biaha pa Aruba kaminda nan a organisá un rueda di prensa pa duna informashon relashoná ku diferente aktividat ku tin pendiente promé ku 2018 yega na su final...

E intenshon ta naturalmente pa invitá e pueblo di Aruba pa bin disfrutá di e aktividatnan ku ta keda organisá na Kòrsou...

Representante di e siguiente eventonan tabata presente personalmente pa informá di nan evento: Punda Vibes, Curaçao Dive Festival, Curaçao Pride, Flavors of Curaçao, Strongman Champions League Curaçao, The Flying Dutch, Festival Internacional de Musica y Humor Latino, KLM Curaçao Marathon, Baseball Week i Konsierto di Ilan Chester i Oscar Harris...

Ku e sosten ku Ofisina di Turismo ta duna na e eventonan ku ta keda organisá na Kòrsou e ta yuda no solamente e promotornan, pero ta sigui promoshoná Kòrsou komo e ‘Stage of The Caribbean’...

E ‘spin off’ ekonómiko di kada evento ta masha importante pa Kòrsou i Ofisina di Turismo ta kontribuí grandemente ku esaki...

E interes na Aruba tambe pa The Flying Dutch ta mustra di ta oumentando, sigur mirando ku amantenan di EDM no a disfrutá dje aña aki di un festival dediká netamente na e músika elektróniko...

Siman nobo a habri i tin algun agrupashon musikal ku ta den studio di grabashon i ku ta pendiente pa den e siman aki ‘lòs kos’ nobo ...

E sosten di radionan na nos produktornan musikal mester subi, no ta tur radio ta sostené e artistanan ni ta duna chèns pa nan kansion sikiera toka un biaha pa rèspèt na e radio...

Laga e piesa zona pa bo sa si e públiko ta gust’é si òf no...

Tin e mentalidat ku nan ke e piesa ‘bibu’, loke tambe ta mata e produkshon di studio mesora...

A papia hopi biaha di bini ku kambio den e lei di media kaminda lo inkorporá tambe e porsentahe di piesanan lokal ku lo mester zona durante di dia...

Tipo di proyektonan di kambio di lei manera esun ku nos a deskribí no tabatin prioridat ántes, aworakí i nos mester keda ku speransa ku un aña riba un dia lo por yega na esaki...

Nos músikonan lokal ta lucha hopi pa por produsí algu i esaki tin biaha ounke ku e tin kalidat no ta keda apresiá pa animadónan di radio i ta trese kuné ku e piesa no ta ni zona na radio...

Antes tabatin radio emisora ku tabata tin programa spesial riba por ehèmpel djaluna trai mèrdia kaminda ta toka tur produkshon nobo di artistanan lokal i internashonal...

Sikiera asina nan ta risibí òf haña algu di promoshon...

Mester por hasi algu na esaki...

Nos tei move, djárason nos lo tei bek ku otro ‘Louie Louie’...