Un felis djabièrnè...

Ayera nochi Icons by Gio a lòs otro kansion promoshonal...

E biaha aki ta Hunneley Felicia ta interpretá ‘Awor ku ba kue’...

E ta dal, letra, hopi letra...

‘Awor ku ba kue mi kabes abou, no no laga nada keda ki, fiesta a kaba, djo djomentu a kaba !...

Bon ko pa baila !...

Qube a presentá e konsierto di Ilan Chester pa dia 30 di novèmber na Sambil, un área nobo patras di Cinemark...

Interes pa e konsierto aki ta grandi, no solamente na Kòrsou, pero pa e venezolanonan ku ta bishitá Kòrsou i ku tin ratu sin mira Ilan Chester presentá...

Alexandra Atalita su partisipashon na Miss Earth ta keda bon kubrí via di su página di facebook...

Basta informashon ta keda kompartí i ku ta duna tur hende un bista riba loke e sertámen aki ta kontené i ta eksigí di kada partisipante...

Curaçao dj Battle a atraé un bon públiko pa e promé fecha di kompetensia...

Nos ta pendiente pa mañan por tin informashon di ken a klasifiká i unda e sitio di e final dje kompetensia lokal di dj lo ta...

E ganadó lo toka den preshow di ‘The Flying Dutch’ dia 25 di òktober próksimo na Mambo...

Presentá riba e mesun stage ku e 5 biaha dj # 1 di mundu, Armin van Buuren...

Pendiente pa e aktividatnan relashoná ku Marcha Kultural Bándariba 2018...

Aktividatnan lo tuma lugá den e wikènt di 26, 27 i 28 di òktober próksimo...

Shurendi Pieternella i su tim ta trahando duru pa presentá un di tres edishon di un dje eventonan kultural di mas grandi di Kòrsou...

Lástima ku nan no ta risibí aporte di Kas di Kultura òf otro instansianan gubernamental ku sa duna aporte na aktividatnan kultural...

Diskushon ketu bai riba derechi di outor ora ta trata interpretashon di bo komposishonnan durante di un fiesta aki na Kòrsou òf na kua parti di mundu...

Mester duna e kompositor/ areglista un pago pa esaki, òf mester konsiderá ku ora bo ta ‘cover’ un kansion no tin gastu embolbí...

Paso si ta asina, Url i Dan Dan mester para na porta di fiesta pa kobra kada biaha ku ‘E lugá ku mi meresé’ zona!...

Ani derechi di outor pagá via di radio nos tin problema kuné, awó ta ki posishon kompositornan mester tuma relashoná ku e presentashon di nan komposishon durante di un presentashon musikal di un banda...

AMAK a saka un komunikado relashoná ku Tumba komo músika pa temporada di Karnaval...

Den e mesun komunikado aki ta papia di e lei ku na 2015 a drenta na vigor i ku ta protehé e periodo di 1e di desèmber pa djárason di shinishi pa loke ta presentashon di artistanan internashonal na Kòrsou...

Relashoná ku e lei aki, nunka ainda, pues durante dje último 3 añanan no a biba esaki ‘al pie de la letra’...

Semper a buska un motibu pa duna dispensashon...

Nos ta bai, pasó lo mi no kaba di skibi !.

Felis wikènt...