Un felis djabièrnè pa tur nos lektornan...

Nos ta pendiente pa drenta otro wikènt kaminda tin diferente aktividat ku tei hala basta atenshon...

E fiesta di ERA na Landhuis Brievengat sigur ta un di esnan ku tin basta atenshon pe...

E banda tin un kantidat grandi di fanátiko i e promoshon pa e fiesta aki a kana ‘zeta’...

Tumando na konsiderashon e wer ku nos tin e dianan aki te hasta un plan ‘B’ i ‘C’ nan tin...

‘I Love Hip Hop & RnB’, e grupo di Karnaval di Tiner tin nan presentashon di trahe djadumingu awor na Magnate...

Nan ambiente ta start for di 7 or di anochi...

Entrada ta grátis, bai pa bo wak i si bo gusta, inskribí mesora...

Awe nochi tin e final di Curaçao DJ Battle den Club Vanilla...

E ganadó ta gana derechi pa aktua den ‘The Flying Dutch 2018’ djaweps otro siman komo ‘pre-show’...

Tin 5 finalista i nan tur sinku tin ku bai demostrá nan abilidat i kreatividat awe nochi...

Porta ta habri 8 or di anochi. Eksito na kada un !...

Awe mainta 9 or prepará bu pa bo bishita e página di facebook di EXTRA pa bo mira otro edishon di ‘Ma Yeta den adrei di Extra’...

Pa awe Ma Yeta tei atrobe ku otro edishon kaminda su mensahenan ta skèrpi ku un toke chistoso...

Parse ku e organisashon di selebrashon kultural di Bándariba no ta masha kontentu ke echo ku dia nan tin nan Marcha Kultural ku riba mesun dia Kas di Kultura tin un aktividat kultural tumando lugá...

Esaki sigur ta di lamentá, mirando ku e hendenan di Pariba a aserka Kas di Kultura den kuadro di nan eventonan i e fechanan tabata konosí pa Kas di Kultura...

Diona Angela, Miss Curaçao International a biaha pa Hapon kaminda e ta bai representá Kòrsou den e sertámen di Miss International...

Ta e di 58 edishon di e sertámen di Miss International...

Alexandra Atalita, Miss Earth Curaçao ta na Filipina kaminda e ta partisipando den e sertámen di Miss Earth 2018...

Eksito na ámbos..

Ayera nochi a reuní ku gruponan di Tambú i Aguinaldo...

Nos ta pendiente pa risibí un relato di e reunion pa por kompartí esaki ku nos lektornan...

Lo ta interesante sigur pa tende komentario di lidernan di grupo...

Ma tuma nota ku e fiesta di estreno di Icons by Gio a kuminsá haña un kantidat di artista invitá ku den pasado a forma parti di Gio...

E fiesta ta pinta di bira un tremendo fiesta pa e fanátikonan di Gio di tur tempu...

Disfrutá di bo wikènt, wak e momentu perfekto pa laba paña, paso manera ta mustra, áwaseru sigur lo kai awe djabièrnè i ta premirá ku den wikènt tambe...

Djaluna nos tei bèk !...