Un bon siman na tur nos lektornan...

Awaseru a dominá durante wikènt i pone yen hende na kareda...

Fanátikonan di ERA a pasa masha bon mes djasabra nochi na PWFC...

Un amigu di LOUIE LOUIE ta papiando ketu bai kon dushi el a pasa den fiesta...

Kompader a baila henter anochi i gosa sin fin...

Ayera nochi ‘I Love Hip Hop & RnB’ a presentá nan trahe pa Karnaval 2019...

E siman aki ta siman di ‘Wakanda’...

Hopi espektativa pa presentashon di un grupo nobo ku lo tuma lugá djadumingu awor...

Awe ta fecha tambe pa Icons by Gio saka otro kansion promoshonal ...

Falta 2 siman pa nan debut den WTC i ya kaba nan a kuminsá promové algun invitado spesial ku nan tin pa nan debut...

E anochi ta mustra di bai bira un anochi di historia pa Gio...

Gruponan di Karnaval ta den ful preparashon meskos te kaso ku Fundashon JAG ku ta esun enkargá pa organisá Karnaval 2019...

Ta e idea pa bini ku un sorpresa pa apertura di Karnaval...

Tabatin menshon di algun artista internashonal ku sigur ta gusta, pero e pregunta grandi ta si ta bale la pena pa invertí tantu sèn asina den un aktividat...

Si e spònsernan ta koperá pa Karnaval, lo ta interesante pa sa si no ta kuminsá òf sigui traha riba e idea di trata na involukrá skolnan den Karnaval...

Tantu Marcha Hubenil i Parada di Tiner tin e nesesidat pa bira mas grandi...

E konsepto ku Fundashon di Karnaval di Bándabou ta usando pa pone un parada di skolnan mester ta e inisio di ofresé e skolnan ei un pakete pa nan partisipá na Marcha Hubenil tambe...

Hasi un evaluashon di skolnan sekundario  kaminda dosentenan no ke tuma e responsabilidat pa organisá un grupo di karnaval i buska un grupo di hóben ku eksperensia pa guia e skolnan aki sikiera pa e sekshon di ‘Back to Basic’...

Yen fiesta na kaminda ku artistanan internashonal...

E tempu ta duna pa esaki?...

Manera nan sa bisa ‘Time will Tell’...

Ayera nos a tuma nota ku e konosido músiko i kantante Don Julio Mingeli a fayesé...

Don Julio, miembro di trio Los Corsarios tabata un persona masha kerí serka su amistatnan...

Un kabayero di promé ora ku ta masha alegre...

Nos a komprondé ku resientemente el a bira malu i te hasta tabata interná den Hospital...

Lamentablemente ayera e notisia a drenta ku Don Julio a bai sosegá...

Forsa na su kasa i yunan...

Pa loke ta trata ‘The Flying Dutch’ nos mester bisa ku DJ Jay Stax a duna un tremendo presentashon i a gana e bataya di DJ di un bròder di dje...

By the way Armin van Buuren, e dj ku 5 biaha a resultá e mihó DJ di mundu a yega Kòrsou...

Ayera mes ma komprondé ku el a bai Mambo pa bai wak ta unda e ta bai presentá i pa e kuminsá sinti e ‘vibe’ i kalor di Kòrsou...

Bon mi tei move, te djárason ku Dios ke !...