Un bon siman pa nos lektornan...

Wikènt tabata kargá ku eventonan ...

Pa nos e wikènt a start for di djaweps ku e konsierto di ‘The Flying Dutch’...

Tremendo konsierto i bon organisá, e públiko amante di músika EDM sigur a disfrutá dje evento...

E aktividatnan di Fundashon Kultura di Bándariba a bai basta bon...

Nos ta kere ku mester repartí e eventonan riba fecha i no tur 3 riba mesun wikènt...

Dje forma ei bo por hasi miho promoshon i logra di atraé mas públiko...

Ta un lástima ku un organisashon kultural ta hasi su esfuerso pa 3 aña kaba, pero no ta bin na remarke pa risibí kontribushon di Kas di Kultura...

E festival ‘Bos di Kunuku’ ta un dje eventonan ku definitivamente mester risibí sosten, ei ta e ‘farmsystem’ pa nos hóbennan ku tin aspirashon di kanta piesanan kultural i nos mester konserva esaki...

E apertura di temporada di Tambú organisá pa Kas di Kultura riba Plasa Brion a logra di atraé un bon públiko...

Wer a komportá su mes i e públiko a disfrutá...

E hendenan ku no a bai pero tabata kaweta, a lora den outo i pèrkurá pa Otrobanda su tráfiko ayera nochi tabata basta drùk...

Nos a yega di ekspresá un biaha kaba ku mester sigui duna tantu gruponan di Aguinaldo komo di Tambú e oportunidat pa presentá tantu riba Plasa Alameda den Punda komo Plasa Brion...

Djaweps anochi na parti Punda tin ‘Punda Vibes’ i ta un bon oportunidat pa e gruponan presentá den Alameda...

Djasabra anochi òf djadumingu atardi ta toka turno na Plasa Brion...

Empresanan gubernamental mester por duna sosten na un proyekto asina...

E obra ‘Oh Mama, bo ta haña kastigu’ a sòru pa 2 sala yen durante di wikènt ku ta tras di lomba na Because...

Nan ta pendiente awor pa bai Ulanda i despues Aruba ku e obra humorístiko ...

Mañan nos ta kaba di duna kobertura na e aktividatnan di fin di siman...

E grupo di karnaval nobo ‘Hats off to Dreams’ a presentá nan guereronan di Wakanda ayera nochi na Skalo...

Un bon públiko a presensiá e presentashon di trahe...

HOTD, e abreviashon pa nòmber dje grupo, a presentá diferente modèl di trahe loke ta un trend pa gruponan di Karnaval...

Nan ke ofresé e kliente karnavalista mas opshon pa skohe pa djòin e grupo...

‘Crazy Piano’ ayera nochi tabatin bon ambiente na Landhuis Brakkeput Mei Mei...

‘Louie Louie’ a sigui un pida dje aktividat via di ‘streaming’ pa kortesia di un popular kantante...

Den kuadro di selebrashon di nan 25 aniversario, e grupo di baile Explosion Dancers ta bai partisipá den Marcha Hubenil 2019...

Chèk nan trahe e ta hopi leuk i pa mas informashon bo por bishitá nan página di facebook pa bo haña mas informashon...

Bon tabata tur kos ku nos tabatin awe den e edishon aki di ‘Louie Louie’...

Djárason awor nos tei bèk ku otro edishon...

Pa awe, ban ku ánimo pa nos traha pa adelanto pa nos Pais...

Bon siman !!!