WILLEMSTAD.- E kompania lokal, Lovers a djòin huntu ku e kantante inspirativo di gospel, Willy Rodriguez pa selebrá su 40 aniversario aki na Kòrsou.
Resientemente Willy a lansa e kansion ‘Dios Bendishonabu’ den luna di novèmber 2017 i mesora a risibí rekonosementu pa e bunita letra i tremendo produkshon musikal di Jose Martis.
Lovers a sinti ku e kansion aki a kuadra perfektamente ku e kompania su pensamentunan di ‘It’s all about Love’ i den luna di desèmber e vershon di Lovers a keda presentá ku mesun melodia kontagioso, pero ku letra adaptá.
Lovers ta masha gradesido di ta e kompañero diario di ‘Pueblo di Kòrsou’ i atraves dje kansion aki ke rekordá nos pueblo ku ‘Lovers ta di nos e ta’.