Lucio Nestor Kerindongo

GRADISIMENTU I INVITASHON
Na nòmber di famia Kerindongo, nos kier a gradisí tur famia, amigu, konosí i instansianan ku a mustra atenshon na ora di morto i entiero di nos kerido defuntu

Lucio Nestor Kerindongo
mihó konosí komo “Lu” òf “Bubuchi”.

Un danki ta bai na tur ku a manda flor, krans, telegram i mensahenan via Facebook, Whatsapp i yamadanan di telefon.
Bosnan sosten tabata di gran konsuelo pa nos.

Na mes momento nos kier a partisipá ku lo bai tin un sakrifisio di misa na Parokia di St. Maria djabièrnè 8 di sèptèmber pa 7'or di anochi y djasabra 9 di sèptèmber na misa di Parokia San Hose di Barber pa 7'or di anochi.