WILLEMSTAD.- E ganadó dje eksitoso kampaña di EXTRA kaminda bo por a gana 2 pakete di entrada pa sekshon di ‘Red Carpet’, sra. Ludske Koeiman a bin tuma su premio ayera tardi na ofisina di EXTRA.
Nos kolega Lysandra Trinidad tabata enkargá pa hasi entrega di e premio. Ludske huntu ku su yu a bin risibí e premio. E ganadó tabata masha kontentu ku su premio ku el a gana i a gradisí EXTRA pa esaki.
Keda pendiente pa manera siman bòltu e formulario di e tradishonal kampaña ‘Rei ken ta sali Rei òf Reina di Tumba 2020’ lo ta den korant pa bo kòrta, skibi bo faboritonan i bin entregá e kupon na ofisina di EXTRA pa asina bo tin chèns pa gana e tremendo pakete pa bai wak Karnaval pa bo i bo amigunan. EXTRA den Karnaval 50 ta pa su kuenta!.