WILLEMSTAD.- Ku su himno ‘Despacito’ Luis Fonsi a triunfá na kuater okashon durante dje di 18 edishon di Latin Grammy, djaweps anochi na Las Vegas.Fonsi a gana galardon pa kansion di aña, grabashon di aña, mihó fushon/ interpretashon urbano i mihó video musikal vershon kòrtiku.
‘Ki bendishon, ki privilegio ta ora bo trabou ta pa komponé kansion i komuniká via di músika’, asina Fonsi a bisa na momentu di aseptá su di kuater galardon di e anochi. ‘Que viva la música en español’, e artista a agregá!.
Fonsi a gradisí Puerto Rico, pa e lugá perfekto pa graba e video. ‘E kansion ta un himno na mi Pais. Tur loke mi ta hasi i tur loke mi sigui hasi, awó mas ku nunka ta pa selebrá mi kultura i mi músika’, asina Fonsi a bisa, pidiendo aserka e ayudo internashonal pa tur esnan afektá pa e orkan na su isla.