MERKA.- E kantante i kompositor portorikeño, Luis Fonsi lo lansa mañan djabièrnè su siguiente produkshon musikal titulá ‘Calypso’, un tema ku ta bai eksplorá e tradishon karibeño di stilbènt.
Ta trata di un kansion di amor ku el a laga atras e reggaeton pa bai buska i brasa e ritmonan di Karibe no hispano i ku e zonido di e agrupashonnan grandi basá riba perkushon.
‘Calypso’ ku ta e di tres kansion di un albùm ku ainda no tin fecha di estreno a keda produsí pa e duo kolombiano Andres Torres i Mauricio Rengifo ku kende Fonsi a traha su dos temanan mas resien ‘Despacito’ i ‘Echame la Culpa’.
‘Calypso’ ademas ta un kolaborashon bilingual. E biaha aki e kompañero di e portorikeño ta un rapper britániko, Stefflon Don.
Ku diferensia di su produkshonnan anterior di Fonsi, e produkshon aki ta un yená ku koló i brio, loke ta rekreá e sabor karibense ingles for di unda kalipso a sali.
Fonsi su gira ‘Love Dance World Tour’ ta na Ecuador e fin di siman aki. Despues e lo bishita Maroko, Rumania, Vietnam promé ku 5 fecha na Spaña den luna di yüli kaminda e lo presentá na Ibiza, Tenerife, Gran Canaria, Barcelona i Marbella.