MEXICO.- Despues di 7 aña di silensio diskográfiko, Luis Miguel a presentá awe ‘Mexico por Siempre’.Den ‘Mexico por Siempre’, Luis Miguel ku a nase na Puerto Rico, pero ku a nashonalisá mehikano, ta interpretá klásikonan manera ‘No me Amenaces’, ‘El Balaju’, ‘Que bonita es mi tierra’ i ‘Serenata Huasteca’, e último aki un éksito popular di entre otro, Jose Alfredo Jimenez i Pedro Infante.
Luis Miguel ta bolbe usa e formulá ku kua el a kosecha hopi éksito na 2004 ku ‘Mexico en la piel’, ku kua el a gana 2 Grammy i a bende mas ku 5 mion di kopia den un époka kaminda pirateria a kuminsá hasi estrago den e industria musikal.
E disko sinembargo ta yega na un momentu oportuno, Netflix i Telemundo ta preparando un serie biográfiko di e kantante.