WILLEMSTAD.- Djadumingu 29 di òktober tabatin e promé oudishon di ‘Luna Yen’, e show di talento pa hubentut na La Tentashon. Un total di 8 partisipante a oudishonnan. Den nan nos tabatin grupo i individual, den kual 6 a klasifiká pa e Semi Final di Luna Yen.
E siman aki di 30 di òktober pa 2 di novèmber e tim di Luna Yen ta na e sentro di bario Montaña ku tayer di Baile, Kanto i Aktuashon. E dosentenan ku ta forma parti di e tim di Luna Yen di e aña aki ta Eduard Reineta (Kanto), Leyozjandro Clemencia (Baile) i John Nagtegaal (Aktuashon).
Dia 3 di novèmber 6’or di atardi lo tin e oudishon na e sentro di Bario, tur hende ta bon bini na e sentro di Bario. Entrada ta grátis.
Si bo no a haña chèns pa bin e oudishon dia di 29 di òktober òf e tayernan den bario no ta nada. Ainda bo tin chèns pa oudishon mañan, dia 3 di novèmber 2017. Bo mester tei mas tarda 4’or di atardi pa asina kuminsá ku e oudishon 6’or di atardi.
Por partisipá individual òf den grupo di máksimo 5 hende.
Manda bo informashonnan via mail na info.lunablou@gmail.com òf via Facebook na: Luna Yen, e show di talento pa hóben. Tambe por yama Zona Kultural (Teatro Luna Blou) na 462-2209.