WILLEMSTAD.- Djabièrnè a tuma lugá e último presentashon dje obra teatral ‘Ma frei bo, ba basilá ku mi’. Despues di a yena sala yen na dos okashon, e presentashon di djabièrnè último a hala un bon públiko.
Un obra humorístiko, skibi i dirigí pa Percy ‘Boskwiri’ Benita. E públiko ku a bishita e komedia a keda ku bon komentario, a hari masha hopi mes di situashonnan ku a presentá, a gosa kon a atendé ku kosnan real di bida i por último un bon mensahe.
Ta pendiente ainda pa un fecha pa Kòrsou i ta pendiente pa presentashon na Aruba i Boneiru. Ulanda lo keda bishita di dia 5 pa 8 di desèmber, kaminda lo tin presentashon riba dianan 6 i 7 di desèmber den Theater Zuidplein.
Riba potrètnan algun momentu durante dje komedia.