MERKA.- J Balvin, Anitta i Jeon no a pensa ku nan lo a wòrdu sorprendí djárason atardi na momentu ku e kantantenan kolombiano, brasilero i arubano a risibí un plakat di ‘Platinum’ for di man di representantenan di Universal Music Latino.
‘Machika’ a keda lansá dia 19 di yanüari i a debutá na puesto number 10 di ‘Hot Latin Songs’ dia 3 di febrüari ku 4000 downloads bendí i 3.2 mion ‘streams’ durante dje fin di siman di 25 di yanüari, esaki di akuerdo ku informashon di Nielsen Music. Ta e promé ‘Tòp 10’ pa Anitta i Jeon.
Un pabien spesial pa Jeon kende a logra pa nos idioma papiamentu ta logra un éksito grandi den ‘Machika’.