MERKA.- E kantante Madonna a pèrkurá pa rumornan riba su posibel relashon ku e bailarin, Ahlamalik Williams, 25 aña, despues ku nan a ser mirá den un balkon di un hotèl na Miami den un aktitut kariñoso.
E reina di pop, 61 aña, ta den su gira ‘Madame X’ i Williams tambe ta forma parti di esaki komo miembro dje tim di baile.
Riba e potrètnan ku a keda publiká por mira Williams brasando Madonna, miéntras ku e tin e gará na su sintura, aserka tin otro potrètnan kaminda ta mira e hóben bailarin ta duna Madonna masashi na su skouder òf potrètnan kaminda ta mir’é sin kamisa ta wak for di bentana.
No ta promé biaha ku a mira Madonna i Williams huntu, na vários okashon e kantante a subi potrètnan riba su kuenta di Instagram huntu ku e bailarin, na okashon bebiendo shampaña òf subiendo un helikòpter.
E tour di Madonna a risibí kritiká pa e motibu ku el a skohe lokalidatnan mas chiké pa presentá su konsiertonan. Durante dje promé presentashon na Miami a surgi kritiká pa motibu ku tabata muchu kalor. Tabatin kritiká tambe riba e echo ku a kambia ora di konsierto. Na Boston tambe e tour di ‘Madame X’ tabatin problema debí ku Madonna a kanselá 3 konsierto debí na molèster físiko.