CARACAS, VENEZUELA (AFP).- E presidente di Venezuela, Nicolas Maduro, den kampaña pa un di tres mandato, a akusá su prinsipal rival den elekshon di 28 di yüli di ta plania un supuesto gòlpi di estado na momento ku esaki a nenga pa firma un akuerdo di rèspèt pa e resultadonan elektoral manera proponé dor di chavismo.
“Nos a firma un akuerdo di pas di Venezuela, komo rèspèt pa e resultadonan elektoral, pa rèspèt na e árbitro, pero di e 10 kandidatonan ta nos ocho a firma”, segun Maduro a bisa na su simpatisadónan na Maturin.
“E dos pòpchinan ku ke poder no a firma. “Pakiko bosnan ta kere ku nan no a firma e akuerdo pa respetá e konseho elektoral i e resultadonan? Pasobra nan ta pretendé na grita froude, pasobra nan ke trese un gòlpi di estado”, segun e presidente.
Sin nombra na nòmber, Maduro a referí na Edmundo Gonzalez, kandidato pa e prinsipal koalishon opositor dje pais.
Gonzalez, diplomátiko di 74 aña, ta e kandidato pa Plataforma Unitaria, despues ku nan lider Maria Corina Machado ku a bari den preelekshon di òktober último, a risibí un prohibishon di Korte pa ta kandidato presidensial.
Pa e rekonosimentu dje resultadonan ya a forma parti un un akuerdo firmá den 2023 entre gobièrnu i posishon na Barbados, ku mediashon di Noruega i partisipashon di Merka, segun Gonzalez a bisa den un komunikado.
E otro ku no a firma ta Enrique Marquez, eks rèktòr di Konseho Nashonal Elektoral i awor kandidato independiente, konsiderá pa un oposishon komo “reserva” den kaso ku saka Gonzalez for dje proseso elektoral teniendo kuenta ku ya kaba a detené 38 aktivista di oposishon.
‘E akuerdo aki ta algu proponé pa presidente Maduro. No ta un idea original di Elvis Amoroso (presidente di Konseho Nashonal Elektoral), ta un papel produsí pa Miraflores, pa nos e ta algu unilateral”, segun Marquez a bisa.
Maduro a kritik’é pa a nenga na forma e dokumento ku a surgi despues di proposishon di vários dirigente chavista, inkluso e propio mandatario.
“Di kon ami a firma? Pasobra si m’a inskribí mi tin ku aseptá e reglanan. Na di dos lugá, pasobra mi ke pas i tur kos bon pa Venezuela, di tres, i esaki no bisa ningun hende, pasobra mi sa ku nos ta bai duna nan un sota, gana pa nòkout”, segun Chavez a bisa na su siguidónan.
