CARACAS, AP.- Presidente venezolano Nicolás Maduro a sustituí vários integrante di direktiva di e korporashon estatal di petrolio di Venezuela PDVSA, un restrukturashon ku lo tin komo propósito logra un mihó efisiensia i baha den korupshon di empresa.

Durante di su programa di djadumingu na radio i televishon Maduro a anunsiá ku el a disidí di hasi un renovashon di e ekipo ehekutivo di e petrolero pa kuminsá un proseso di restrukturashon i ekspanshon di e servisionan ku nan ta duna.

E restrukturashon tambe lo bai sania e korupshon di tur ámbito ku a bin ta daña PDVSA, asina e mandatario a bisa sin drenta den detaye.

Eulogio del Pino a keda ratifiká komo e presidente di PDVSA. Entre e miembronan nobo tin e kansier Delcy Rodriguez komo vise presidente di asuntunan internashonal. E anunsio a keda hasi 25 dia despues ku del Pino a keda remplasá pa Nelson Martinez otro presidente di Citgo filial di PDVSA na Merka.

Maduro a bisa ku e kambio tin komo propósito pa Del Pino konsentrá solamente den direkshon di e korporashon. Venezuela ta pasando den un krísis ekonómiko pisá ku a bira pió pa e preisnan di petroli ku ta representá 96% di entrada pa eksportashon.

PDVSA no a skapa di e krísis i na 2015 a registrá un kaida di 40.7% di su entradanan kual a generá un impakto fuerte den e ganashinan integral di e korporashon ku asera 2015, e sifra mas resien ku tin di 2.588 mion di dòler, un kaida di 79% kompará ku ganashi na 2014.