WILLEMSTAD.- Awe mainta un bia mas lo tin otro estreno di Mai Yeta den adrei di EXTRA. Awor aki ya el a bira un kustumber ku djabièrnè mainta riba wèpsait di EXTRA por haña e edishon nobo di Mai Yeta den adrei di EXTRA. Siman pasá Mai Yeta su boka a los manera hende kontentu, wèl e siman aki tambe lo no ta otro. Mai Yeta ta bai lele algun hende na moda di bieunan di ántes. Parse ku Mai Yeta a bai wak kiko ta pasa ‘op de walletjes’ anto el a bin konta. No pèrdè e siguiente edishon di Mai Yeta den adrei di EXTRA ku ta trese informashon riba yen detaye importante ku hendenan ta pèrdè for di bista durante di siman. Tin un asuntu ku Pedro riba weganan di futbòl, no pèrd’e!