Den apénas algun ora despues a detené 3 di e malechornan

ORANJESTAD.-Malechornan tribí a drenta warda di polis na Balashi i bai ku un kantidat di bròmer i skuter ku polisnan a konfiská. Esaki a sosodé awe mas o ménos 4:50 di mardugá.

Polis di Aruba ta informa ku mesora ku sentral di polis a tuma nota di e informashon aki a aktivá tur unidat riba kaya. Tambe a duna enkargo pa pone e helikòpter di polis den operashon pa kuminsá ku e búskeda di e material ku e malechornan a saka for di warda di polis. A sigui buska te den oranan di mainta i entretantu a logra detené 3 hòmber i e rekuperá 10 bròmer ku skuter.

Recherche tin e kaso bou di investigashon i no ta deskartá ku lo por tin mas detenshon relashoná ku e kaso aki. Polis di Aruba ta pidi tur hende ku por tin kualke informashon pa yama e Tiplijn di polis: 11141.