MERKA.- E mama di e rapper ‘Notorious BIG’ ku a keda asesiná na 1997 ta menasá di entamá un kaso kontra di e rumannan Kendall i Kylie Jenner pa benta di T-shirt ku tin potrèt di su yu ariba.
Segun e portal di farándula, TMZ, djaweps e abogado di e famia a manda un karta pa e rumannan Jenner kaminda ta indiká na nan ku promé ku awe, djabièrnè atardi 5’or nan mester stòp ku e benta di T-shirt si nan ke evitá ku e kaso den korte ta tuma lugá.
Tin indikashon ku e karta no tabata pòrnada, pasó e T-shirtnan a keda kitá for di e wèpsait riba kua nan tabata na benta.
Riba e T-shirtnan tin e kara di Kendall i Kylie Jenner huntu ku kara di diferente ikono di rap i rock.
E famianan di e fayesido nunka a duna outorisashon na e rumannan Jenner. ‘Esaki ta mal uso na e nivel di mas haltu. Mi ta ansioso pa sa ki motibu nan lo usa i mi ta aun mas kaweta pa sa kon nan ta bai solushoná esaki”, asina e abogado di e herederonan a splika.
E mama di ‘Notorious BIG’ ta Voletta Wallace. E ta haña ku e uso di e potrèt di su yu riba e T-shirtnan ta un falta inmenso di rèspèt.