MICHIGAN, AP.- Un muhé a keda akusá ayera di trata di sende un outo na kandela ku su yu hòmber di 11 aña den dje, esaki den serkania di un santana na sùit ost di Michigan.
Polis di e kondado di Monroe a bisa ku Sherri Richter di 48 aña a keda akusá formalmente di asalto ku intenshon di asesiná i provoká un kandela.
Despues di investigashonnan preliminar a Sali na kla ku Richter a mara e yu su pòls na otro i a sera e outo i a trata na sende esaki na kandela serka di e santana Roselawn Memorial Park na 16 kilometer límite ku Ohio.
Despues el a los e yu i a topa nan dos ta kana riba e kaminda serka di e santana. E mucha a keda hospitalisá komo prekoushon i despues a lag’e bai kas.
Richtrer di Frenchtown Township ta prezu bou di fiansa di 100 mil florin. El a pidi un abogado prodeo.
