MADRID, Spaña,AFP.- AFP.- Un muhé a wòrdu akusá pa su èks kasa dor ku el a sekuestrá nan yunan pa evitá ku nan ta wòrdu vakuná kontra COVID-19. E muhé e entregá na outoridatnan djárason, segun indikashon di ofisialnan.

E muhé di 46 aña tabata riba un lista di fugitivo pa “sekuestro di menornan” despues ku su èks kasa a entregá un denunsia na polis den desèmber, akusando e muhé di a bai ku e yunan sin outorisashon.

E hòmber a bisa ku e no a mira su yunan for di novèmber despues ku el a haña un karta di su èks kasa indikando ku e lo kita e muchanan for di skol. El a haña e karta aki algun dia despues ku korte a deklará ku e hòmber tin derechi di disidí tokante vakunashon di su yunan.

Spaña, huntu ku algun nashon europeo mas a kuminsá vakuná muchanan di sinku pa 11 aña kontra COVID riba 15 di desèmber.

Mas o ménos 90% di tur hende riba 12 ta kompletamente vakuná kontra COVID-19. Spaña ta un di e paisnan ku e porsentahe di mas haltu di vakunashon den Europa.