WILLEMSTAD.- Minister di Hustisia, señor Quincy Girigorie ta mantené e maneho pa ku pèrmit pa artistanan internashonal por presentá na Kòrsou den e periodo di 1e di desèmber 2018 te ku 6 di mart 2019 igual ku aña pasá.
E maneho pa e temporada aki ta hasi distinshon entre artistanan ku ta residente di un pais den Reino Ulandes i esnan estranhero.
No ta permití ningun artista presentá sin ku tin un pèrmit di evento (‘evenementenvergunning’) pa e presentashon konserní.
Petishonnan pa pèrmit di evento pa artistanan ku ta siudadano di Reino Ulandes lo keda honrá, basta nan ta kumpli ku reglanan general pa haña e pèrmit aki. Artistanan estranhero, si nan ta kumpli ku lei i reglanan vigente, lo por presentá solamente un biaha durante e periodo aki.